Хабарингиз бор, O‘zLiDeP Сиёсий Кенгаши Ижроия қўмитаси Сиёсий таълим маркази томонидан Самарқанд вилоят партия ходимлари ва депутатлик гуруҳи раҳбарларининг малакасини ошириш учун ўқув-семинар ташкил этилмоқда.

Семинарнинг биринчи кунида сиёсий партиялар ва депутатлик фаолиятига доир Ўзбекистон Республикаси Президентининг қарор ва Фармонлари юзасидан интерфаол усулда савол-жавоблар ташкил этилди. Шунингдек, иштирокчиларнинг маҳаллий Кенгашдаги доимий комиссиялар ҳамда Кенгаш сессияларига масалани киритиш механизми бўйича билимлари  синовдан ўтказилди.

Семинарнинг иккинчи кунида  Ҳаракатлар стратегиясининг бешинчи устувор йўналишига асосан, мамлакатимизда ташқи сиёсат соҳасида амалга оширилаётган ислоҳотлар юзасидан Самарқанд давлат университети профессори Фарҳод Набиевнинг маърузаси тингланди.

–Бундай ўқув-семинарлар партия фаоларининг сиёсий билимларини янада оширишда яхши самара беради, – дейди  Фарҳод Набиев. – Чунки ҳар қандай давлат дамократик жамиятни шакиллантиришда фуқароларининг сиёсий ва ҳуқуқий   билимларини оширишга аҳамият қаратмоғи керак.

Семинарда шунингдек, партия туман кенгаши томонидан ўтказилаётган тадбирлар ва амалга оширилаётган ишлар, депутатлик гуруҳи фаолияти юзасидан мақолалар ёзиш бўйича мутахассисилар томонидан тушунчалар берилди.

Бахтигул ҚАРШИЕВА,

O‘zLiDeP Самарқанд вилоят

Кенгаши мабуот котиби

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!