Халқ депутатлари Янгибозор туман Кенгашидаги O‘zLiDeP депутатлик гуруҳи аъзоси А.Тангирова, партия туман Кенгаши ходимлари, туман ер тузиш ва давлат кадастр бўлими масъуллари билан биргаликда Янгибозор туман Уйғур қишлоғининг “Ҳайват” маҳалласи аҳлининг таклиф ва муаммолари ўрганилди.

Сайёр қабулда мазкур маҳаллада истиқомат қилаётган Мансур Атаханов қўшимча томорқа ери йўқлиги ва томорқачилик билан шуғулланиш истагини билдириб қилган мурожаати масъуллар томонидан атрофлича ўрганилди.         Ўрганиш натижаларига кўра, шу маҳаллада яшовчи Авазжон Одамбоева турмуш ўртоғи вафот этганидан кейин фермер хўжалигида иш бошқарувчи бўлиб ишлаши натижасида томорқаси қаровсиз ётганини айтиб, ерини М.Атахановга беришга рози бўлди.  

– Бугун оилавий тадбиркорлик билан шуғулланувчилар учун катта имтиёзлар яратилмоқда, – дейди Мансур Базарбаев. – Мен ҳам кўпдан бери маҳалламизда автотранспорт воситаларини ювиш шаҳобчасини очиш учун 15 млн сўм кредит олишда оввора эдим. Бугун партия фаолларининг хонадонимизга ташрифидан хурсандман. Сабаби, кўпдан бери ҳал бўлмай келаётган ушбу муаммойимни партия масъуллари ўз назоратига олди, зарур ҳужжатларимни банкга топширганимдан кейин қонун доирасида кредит олишим мумкинлиги ва шунда ҳам тўсқинлик бўлса, депутатга учрашишимни айтишди.

Шунингдек, имтиёзли кредит олиш истагини билдирган Бекзод Сабиров ва Ўринбой Матназаровларнинг ҳам муаммолари ўрганилиб, тегишли тавсиялар берилди. 

Нилуфар Джаббарова,

O‘zLiDeP Хоразм вилоят Кенгаши

Матбуот котиби

O‘zLiDePнинг Facebook ҳамда Instagram'даги расмий саҳифаси ва Telegram’даги каналига аъзо бўлиб, сўнгги янгиликлардан хабардор бўлинг!