Самарқанд вилояти божхона бошқармасида Ўзбекистон Республикасининг “Ёшларга оид давлат сиёсати тўғрисида”ги Қонунининг тағиботига бағишланган тадбир ўтказилди.

Унда Халқ депутатлари вилоят Кенгашидаги O‘zLiDeP депутатлик гуруҳи аъзоси Толиббой Эшмонов йиғилганларга мазкур ҳужжатнинг мазмун-моҳияти ҳақида тушунчалар берди.

– Мазкур ҳужжат ёшларнинг ҳуқуқий маданиятини юксалтириш, мафкуравий таҳдидларга қарши иммунитетини мустаҳкамлаш, бандлигини таъминлаш борасидаги ишларни янада кучайтиришга қаратилганлиги билан аҳамиятлидир, – дейди Т.Эшмонов. – Шу билан бирга, ушбу қонун аввалгисидан ўзининг мазмун-моҳияти, ҳажми, моддаларнинг номи билан фарқ қилади.  

–Ушбу қонуннинг қабул қилиниши мамлакатимизда ёшларга бўлган эътиборнинг юксак намунаси деб биламиз, – дейди Самарқанд вилоят божхона бошқармаси шахсий таркиб инспектори Санжар Юсупов. – Бугунги тадбир ушбу ҳужжат ҳақидаги билим ва кўникмаларимизни янада мустаҳкамлашга хизмат қилди.

Тадбирда “Ҳар бир оила – тадбиркор” ва “Yoshlar kelajagimiz” Давлат дустурларининг мазмун-моҳияти ҳақида ҳам атрофлича тушунчалар берилди.

Бахтигул ҚАРШИЕВА,

O‘zLiDeP Самарқанд вилоят

Кенгаши матбуот котиби

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!