Наврўз байрами арафасида юртимизда кўплаб хайрли ишлар амалга оширилмоқда. Мана шундай хайрли ишлардан бири Ургут туманида ташкил қилинди.

Тадбиркорлар ва ишбилармонлар ҳаракати – Ўзбекистон Либерал демократик партияси фаоллари ҳисобланган SXF CONSTRUCTION GROUP компанияси таркибидаги ''BIG STROY BUILDING" МЧЖ қўшма корхонаси раҳбарияти ташаббуси билан Ургут туманидаги 20 нафар болаларнинг суннат тўйлари ўтказиб берилди.

Ургут туманидаги 18 та маҳаллаларда истиқомат қилувчи 20 нафар кам таъминланган, “Темир дафтар”га киритилган оилалар фарзандлари учун Ургут тумани Катта Камангарон маҳалласидаги Комил ота тўйхонасида дастурхон тузалиб, элга тўй берилди. Тадбирда сўзга чиққанлар болажонларнинг келажакда ватани ва халқига хизмат қиладиган баркамол, солиҳ, комил инсонлар бўлиб етишишига эзгу ниятлар билдирдилар. Шунингдек, ''BIG STROY BUILDING" МЧЖ қўшма корхонаси томонидан  болажонларга велосипедлар, сарпо ва совға саломлар улашилди.

O'zLiDeP Самарқанд вилоят кенгаши

матбуот хизмати