Бугунги кунда юртимиз фаровонлигига энг кўп ҳисса қўшаётганлар тадбиркорлардир, десак муболаға бўлмайди.

Ўз маҳсулоти билан ички ва ташқи бозорларни таъминлаётган ва бу орқали давлат хазинасига фойда келтираётган тадбиркорлик субъектлари талайгина.

Ғозғон шаҳридаги “Ppemier textile” корхонаси “Ўзпахтасаноат” АЖ таъсисчилигида 2019 йилда ташкил этилган бўлиб, Россиянинг “ТЕКСТИЛ ТОРГ” компанияси билан шартнома имзолаган. Шартномага кўра ишчилар учун махсус кийим-бош етказиб беришни намунали йўлга қўя олган корхона учун хорижий компания шартнома муддатини узайтириб бормоқда.

100 ўринли “Ppemier textile” МЧЖда бир ойда 6000 га яқин кийим-бош тикилади. Иш конвеер усулида йўлга қўйилган. Ишчи-хизматчилар учун шарт-шароитлар намунали тарзда ташкил қилинган. Тикувчиларнинг корхонага қатнови учун алоҳида автобуслар ажратилган. Шунингдек, уларнинг тушликлари ҳам корхонанинг ўзида тайёрланади.

- 2021 йилнинг ўзида 1 миллион 200 минг долларлик экспортни амалга оширдик. Битта хорижий компания билангина ишлаяпмиз. Лекин чиқараётган маҳсулотимизга кун сайин талаб ортиб бормоқда. Сентябргача корхонамизнинг иккинчи блогини ҳам ишга туширмоқчимиз. Бу билан Ғозғоннинг ўзида яна 100 кишининг бандлигини таъминлаймиз,-дейди “Ppemier textile” МЧЖ раҳбари М.Пирмуҳамедов.

Тикувчи қизлар жамоаси Г.Тошева эса бу ерда корхона барпо этилгани ғозғонлик хотин-қизларга катта қулайлик бўлганини айтади.

- Уч нафар фарзандим бор. Биргина турмуш ўртоғимнинг топгани билан рўзғор тебратар эдик. Маҳалланинг ёрдамида тикувчилик курсига ўқиб олдим ва шу ерга ишга жойлашдим. Оиламга моддий томондан фойдам тегаётганидан хурсандман, - дейди тикувчи аёл Ф. Нурбекова.

O'zLiDeP Ғозғон шаҳар Кенгаши “Ppemier textile” корхонаси билан доимий алоқада. Кенгаш томонидан уюштириладиган партиявий тадбирлар корхона қошида ташкил этилган бошланғич партия ташкилоти аъзолари билан ҳамкорликда бўлиб ўтади. Бу эса ўз ўрнида ишчи-ходимларнинг бир маслакка бирлашувига хизмат қилади.

М.Пирнафасова,

O'zLiDeP Навоий вилояти матбуот котиби