Bugungi kunda partiyaning boshlang‘ich tashkilotlari aholi muammolarini o‘rganish, partiya elektorati bo‘lgan tadbirkorlarning murojaatlarini partiya deputatlik guruhlari orqali ijobiy yechim topishda, shuningdek, O’zbekiston Respublikasi Prezidenti tomonidan qabul qilinayotgan Farmon, Qaror, farmoyishlar targ‘ibotiga qaratilgan turli davra suhbatlari hamda partiyaning dasturiy maqsad va vazifalarini aholi orasida keng targ‘ib qilishda katta tashabbus ko‘rsatmoqda.

Jumladan, O‘zLiDeP Andijon viloyat Kengashi tashabbusi bilan  Izboskan tumanida joylashgan Andijon viloyat FTIZIATRIYa klinik shifoxonasi qoshidagi partiyaning quyi bo‘g‘inida “Yangi O’zbekistonning 2022-2026 yillarga mo‘ljallangan taraqqiyot strategiyasi to‘g‘risida”gi farmoni loyihasi muhokamasi yuzasidan dara suhbati tashkil qilindi.

Unda partiya viloyat Kengashi mas’ul xodimlari, xalq deputatlari tuman Kengashidagi partiya deputatlik guruhi a’zolari, BPT raislari ishtirok etdilar.

–Farmon loyihasi yurtdoshlarimiz tomonidan yakdillik bilan qo‘llab-quvvatlanib, har birimizni faollikka, jonbozlik ko‘rsatib mehnat qilishga undashi tabiiy, – deydi O‘zLiDeR Izboskan tuman Kengashi raisi Elyorbek Nurmatov. – Mazkur farmonda xalqimizga munosib hayot barpo etish yo‘lidagi ezgu tashabbuslar barchamizga yangi g‘oyalar berdi, desam mubolag‘a bo‘lmaydi. Zero, unda ilgari surilgan yettita yo‘nalishdagi g‘oyalar yurtimizni yanada rivojlantirish va inson qadrini ulug‘lashga  qaratilgan.

Tadbirda taraqqiyot strategiyasida belgilab berilgan vazifalar ijrosini ta’minlashda partiyaning eng quyi bo‘g‘ini faol va tashabbuskor bo‘lishi kerakligi ta’kidlandi. 

Xasanboy Tilavoldiyev,

O‘zLiDeP Andijon viloyat Kengashi

 BPTlar bilan ishlash guruhi rahbari