O’zLiDeP Toshkent shahar Kengashi “Yangi O’zbekiston va ma’naviy yangilanish” mavzusida davra suhbati tashkil etdi.

Tadbirda deputatlar, partiya faollari, olimlar, mutaxassislar ishtirok etdilar. Tadbirda oila, ta’lim tashkilotlari va mahallalarda targ‘ibot-tashviqot hamda tarbiya yo‘nalishdagi ishlarni ilmiy asosda tashkil etish, soha bo‘yicha ilmiy, uslubiy tadqiqotlar samaradorligini oshirish, jamiyatimizda yangi ma’naviy makonni barpo etish, fuqarolarimizni ayniqsa, yoshlarni mafkuraviy immunitetini mustahkamlash, mustaqillik g‘oyalariga, milliy an’analarga sodiqlik ruhini chuqur singdirish, ma’naviy barkamol avlodni tarbiyalash bo‘yicha keng ko‘lamli ishlarni olib borish dolzarb vazifa ekanligi, bu borda partiya faollari, deputatlarning rolini oshirish lozimligi aytib o‘tildi.

Tadbir savol-javoblarga boy ko‘tarinki ruhda bo‘lib o‘tdi.