Qoraqalpog‘iston Respublikasi Jo‘qorg‘i Kengesidagi O'zLiDeP fraksiyasi rahbari Sharapat O’temisov Qo‘ng‘irot tumanidagi mahallalarning hokim yordamchilari bilan uchrashdi.  

Ta’kidlash joizki, hokim yordamchilariga Prezidentimiz qaroriga  ko‘ra yangi vakolat berilgan. Ya’ni joriy yilning 1 apreldan mahalladagi hokim yordamchilari tomonidan bo‘sh turgan davlat ob’ekti yoki yerlar aniqlanib, 2 000 kvadrat metrgacha ob’ektlar – hokim yordamchilarining onlayn-buyurtmanomasiga asosan to‘g‘ridan-to‘g‘ri elektron onlayn-auksionga chiqariladi.

 Qishloq xo‘jaligiga mo‘ljallanmagan yerlar – “Yerelektron” tizimi orqali  yuborilgan  onlayn-buyurtmanoma 3 kunda tegishli idoralar tomonidan ko‘rib chiqiladi va ijobiy xulosa bo‘lganda, 2 haftada onlayn-auksionga chiqariladi.  

Vazirlik va idoralar, hokimliklarning, 3 oydan ko‘p foydalanilmasdan bo‘sh turgan ob’ektlar ularning roziligisiz ijaraga berish yoki sotish uchun savdoga chiqariladi.

Uchrashuv davomida hokim yordamchilari bilan hamkorlikda ishlarni yanada jonlantirish maqsadida olib boriladigan  ishlar bo‘yicha ish-rejalar dasturi belgilab olindi.

O'zLiDeP Qoraqalpog‘iston Respublikasi

Kengashi matbuot xizmati