Қорақалпоғистон Республикаси Жўқорғи Кенгесидаги O'zLiDeP фракцияси раҳбари Шарапат Ўтемисов Қўнғирот туманидаги маҳаллаларнинг ҳоким ёрдамчилари билан учрашди.  

Таъкидлаш жоизки, ҳоким ёрдамчиларига Президентимиз қарорига  кўра янги ваколат берилган. Яъни жорий йилнинг 1 апрелдан маҳалладаги ҳоким ёрдамчилари томонидан бўш турган давлат объекти ёки ерлар аниқланиб, 2 000 квадрат метргача объектлар – ҳоким ёрдамчиларининг онлайн-буюртманомасига асосан тўғридан-тўғри электрон онлайн-аукционга чиқарилади.

 Қишлоқ хўжалигига мўлжалланмаган ерлар – “Yerelektron” тизими орқали  юборилган  онлайн-буюртманома 3 кунда тегишли идоралар томонидан кўриб чиқилади ва ижобий хулоса бўлганда, 2 ҳафтада онлайн-аукционга чиқарилади.  

Вазирлик ва идоралар, ҳокимликларнинг, 3 ойдан кўп фойдаланилмасдан бўш турган объектлар уларнинг розилигисиз ижарага бериш ёки сотиш учун савдога чиқарилади.

Учрашув давомида ҳоким ёрдамчилари билан ҳамкорликда ишларни янада жонлантириш мақсадида олиб бориладиган  ишлар бўйича иш-режалар дастури белгилаб олинди.

O'zLiDeP Қорақалпоғистон Республикаси

Кенгаши матбуот хизмати