Ishchi guruh a’zolari Quva tumanidagi “Quvonchbek Zohidjon” fermer ho‘jaligi faoliyati bilan tanishdi
19.08.2022, 15:19
O’zLiDeP Farg‘ona viloyati Kengashi tomonidan Prezidentimizning 2022 yil 2 fevraldagi “Chorvachilikni yanada rivojlantirish va chorva ozuqa bazasini mustahkamlash chora-tadbirlari to‘g‘risida”gi qarori hamda “Yangi O’zbekistonning 2022-2026 yillarga mo‘ljallangan taraqqiyot strategiyasida belgilangan vazifalar ijrosini ta’minlashga qaratilgan Quva tumanidagi “Quvonchbek Zohidjon” fermer ho‘jaligida amaliy uchrashuv tashkil etildi.
Tadbir ishtirokchilari Perezidentimizning chorvachilik tarmoqlarini yanada rivojlantirish, chorvachilik xo‘jaliklarini moliyaviy qo‘llab-quvvatlash, chorva ozuqa bazasini yanada ko‘paytirish hamda chorvachilikda band bo‘lgan aholining chorva ozuqasiga bo‘lgan talabini qondirish yo‘nalishida belgilab bergan vazifalarning amaliy natijalari bilan yaqindan tanishdilar.
Ilg‘or innovatsiya usullariga tayangan chorvadorning fermasida bugungi kunda 800 bosh naslli qo‘ylar boquvga qo‘yilgan. O’tgan 2021 yil yakuni bo‘yicha 87 ming tonna go‘sht mahsuloti aholi iste’moli uchun yetkazib berilgan bo‘lsa, joriy yilning 1 avgust holatiga bu ko‘rsatkich 110 ming tonnaga yetdi. Yil yakuniga qadar 130 tonna mahsulot yetkazilishi rejalashtirilgan.
Amaliy uchrashuv davomida ishtirokchilar tadbirkorning izlanishlari natijasida fermada omuxta yem ishlab chiqarish faoliyatini yo‘lga qo‘yilganligining ham guvohi bo‘ldilar.
Tuman hokimligi va boshqa mas’ul tashkilotlar bilan hamkorlikda “Daladan–dasturxongacha” tamoyili asosida tuman ichki bozoriga arzonlashtirilgan narxlarda go‘sht mahsulotlari yetkazib berishni yo‘lga qo‘ygan.
Bo‘lib o‘tgan amaliy muloqotlar davomida ishtirokchilar o‘zlarini qiziqtirgan savollari yuzasidan yetarli ma’lumotlarga ega bo‘ldilar.
O'xshash yangiliklar
-
Ishchi guruh vakillari ta’lim sohasida amalga oshirilayotgan ishlarni o‘rganmoqda
20.12.2023, 15:53
-
Qashqadaryoda oilaviy tadbirkorlar faoliyati o‘rganilmoqda
13.12.2023, 16:59
-
Davlat dasturining 67-maqsadi Hazoraspda qanday bajarilyapti?
23.11.2023, 18:03
-
Ishchi guruh vakillari IT sohasida belgilab berilgan vazifalar ijrosini muhokama qildi
14.11.2023, 16:47
-
Yutuqlar bor, muammolar ham yo‘q emas
13.11.2023, 16:53
Fikringizni qoldiring