Ayni  kunlarda O’zbekiston Respublikasi Oliy Majlis Qonunchilik palatasi huzuridagi Yoshlar parlamentiga o‘tkaziladigan bo‘lajak saylovga tayyorgarlik ishlari barcha hududlarda bo‘lgani kabi Namangan viloyatining  barcha tuman va shahalarida nomzodlarni saralash bosqichi davom etyapti.

Namangan shahar va Davlatobod tumanlarida tanlov nizomida belgilangan tartibda nomzodlarning hujjatlarini qabul qilish ishlari qizg‘in pallasiga kirgan.

Hozirgi kunda saylov jarayoniga oid nomzodlarning hujjatlarini qabul qilish jarayonida shahar va tuman yoshlarining partiya bilan xayrixohligi, har jabhada faol, tashabbuskorligi, qobiliyati, qonunchilik sohasidagi bilim  va tajribasi,  huquqiy va siyosiy savodxonligi, erishgan muvaffaqiyatlari, keng jamoatchilik orasida o‘zgalarga o‘rnak bo‘lib kelayotgan shijoatli yoshlarni saralab olishga ahamiyat qaratilmoqda.

“Yoshlar parlamenti” saylovlarida ishtirok etishni istagan yoshlarning hujjatlari partiya mas’ullari hamda tegishli jamoat tashkilotlari faollaridan iborat Hakamlar hay’ati a’zolari tomonidan atroflicha o‘rganib chiqilmoqda. Shuningdek, yoshlarga ushbu saylovga oid Nizom, saylovning o‘tkazilish tartibi, tadbirning saralash bosqichlari to‘g‘risida batafsil tushuntirishlar berib o‘tilmoqda.