Baxmalda uch nafar yoshlarning murojaatlari deputatlik nazoratiga olindi

24.02.2023, 11:56

Baxmalda uch nafar yoshlarning murojaatlari deputatlik nazoratiga olindi

Baxmal tumani 1-son kasb hunar maktabida O`zLiDeP Jizzax viloyat Kengashi Siyosiy ta’lim va deputatlik guruhlari bilan ishlash bo‘limi tashabbusi bilan “Yoshlarni kasb hunarga o‘rgatishda deputatlarning o‘rni” mavzusida tadbir tashkil etildi.

Xalq deputatlari Baxmal tuman Kengashi deputati Kamola Jumanova, partiya faollari, o‘qituvchi va o‘quvchilar ishtirok etgan mazkur tadbirda yurtimizda yoshlarni kasb-hunarga o‘qitish, ularning bandligini ta’minlash, tadbirkorlikka jalb qilish borasida yaratilgan shart-sharoitlar, mavjud imtiyozlar, bu borada deputatlar tomonidan amalga oshirilayotgan ishlar hususida batafsil ma’lumotlar berib o‘tildi.

Mazkur kasb-hunar maktabida 436 nafar o‘quvchilar tahsil oladi. Ularning 236 nafari bitiruvchilar hisoblanadi. Shuningdek, ta’lim maskani qoshida hamshiralik, haydovchilik, payvandlash ustasi, tikuvchilik kabi o‘quv kurslari faoliyati yo‘lga qo‘yilgan bo‘lib, ularda yon atrofdagi mahallalarda istiqomat qiladigan uyushmagan yoshlar o‘zlari tanlagan kasb-hunar sirlarini egallamoqdalar.

Tadbir davomida o‘quvchilar o‘zlarini qiziqtirgan barcha savollarga javob oldilar. O’z biznesini yo‘lga qo‘yish istagida bo‘lgan 3 nafar yoshlarning murojaatlari deputatlik nazoratiga olindi.

Zayniddin Eshqulov,

 O`zLiDeP Jizzax viloyat Kengashi

STM va deputatlik guruhlari bilan ishlash

bo‘limi mudiri.

  • Ko'rildi
    246
  • Chop etish
  • Do'stlar bilan ulashish
← Orqaga qaytish

Fikringizni qoldiring

+