Aholi salomatligini asrash bilan bog‘liq normalar 4 barobar ko‘paytirilmoqda
06.04.2023, 16:37
Xalq deputatlari Toshkent shahar Kengashi deputati Jamoliddin Meliboyev tomonidan M. Ulug‘bek tumanidagi 7-sonli oilaviy poliklinikada "X. Abdullayev" mahallasi faollari ishtirokida Referendum targ‘iboti o‘tkazildi.
Tadbirda J. Meliboyev yangilanayotgan Konstitutsiyaning mazmun-mohiyati haqida batafsil tushuncha berib o‘tdi. Xususan, yangi tahrirdagi Konstitutsiyada aholi kafolatlangan bepul tibbiy xizmatlardan foydalanishi ham kiritilgan. Loyihada aholi salomatligini asrash bilan bog‘liq normalar 4 barobar ko‘paytirilmoqda. Bu aholi sog‘lig‘ini ishonchli muhofaza etish hamda onalar va bolalar o‘limi, yuqumli kasalliklar tahdidini bartaraf etishda juda muhim ahamiyatga egadir.
Deputat Asosiy qonunimizga kiritilayotgan normalar haqida gapirar ekan, yig‘ilganlarni qiziqtirgan savollarga ham javob berdi. Faollarning ushbu masaladagi fikrlari tinglandi.
Tadbir yakunida deputat barcha qatnashchilarni 30 aprel kuni bo‘lib o‘tadigan referendumda yangilanayotgan Konstitutsiya uchun ovoz berishga chaqirib qoldi.
O'xshash yangiliklar
-
Qo‘rg‘ontepada qishloq xo‘jaligiga mo‘ljallangan yerlardan samarali foydalanish holati tahlil qilindi
26.01.2024, 16:23
-
Deputat ko‘magida aholi xonadonlariga ichimlik suvi yetib bormoqda
26.01.2024, 11:59
-
Deputatlik eshituvi tanqidiy-tahliliy ruhda o‘tdi
26.01.2024, 11:58
-
Boshqarma boshlig‘ining hisoboti eshitildi
25.01.2024, 15:34
-
Zominlik deputatlar tuman elektr tarmoqlari korxonasi rahbarining hisobotini eshitdilar
23.01.2024, 15:15
Fikringizni qoldiring