Mas’uliyat yanada oshadi
24.05.2023, 12:55
O‘zLiDeP Buxoro viloyat kengashi saylovoldi muhim tadbirlardan biri – tuman, shahar konferensiyalarini belgilangan muddatlarda o‘tkazdi.
E’tiborlisi, partiya faollari bo‘lajak Prezident saylovini mamlakatimiz hayotida eng muhim siyosiy jarayon ekanligini inobatga olgan holda ushbu tadbirlarni uyushqoqlik bilan yuqori saviyada tashkil etishda jonbozlik ko‘rsatishdi.
Partiya Buxoro shahar tashkilotining navbatdagi konferensiyasida ana shunday ijobiy jihat kuzatildi. Uni shahar kengashi raisining birinchi o‘rinbosari-apparat rahbari Ruslan Zagretdinov olib bordi.
Qayd etilganidek, bugun mamlakatimizda muddatidan ilgari O’zbekiston Respublikasi Prezidenti saylovini uyushqoqlik bilan yuqori saviyada tashkil etish, mazkur siyosiy jarayonga qizg‘in tayyorgarlik ko‘rish borasida joylarda saylov bilan bog‘liq barcha tashkiliy tadbirlari o‘tkazilmoqda. Bu muhim jarayonda o‘z atrofiga 11 844 nafar a’zoni birlashtirgan partiya Buxoro shahar tashkiloti hisobidagi 96 ta boshlang‘ich partiya tashkilotlari faol.
- Turli millat vakillaridan iborat xalqimiz hamjihatligi o‘tgan umumxalq referendumida yangilangan Konstitutsiyani qabul qilish jarayonida aniq ko‘zga tashlandi, – deydi O‘zLiDeP Siyosiy Kengashi Ijroiya qo‘mitasi a’zosi F. Aminov. – Endi esa barchamiz navbatdagi muhim siyosiy jarayon – Prezident saylovi arafasida turibmiz. Demakki, partiyamiz faollari, tuman va shahar kengashlari huzurida tashkil etilgan saylovoldi shatabi a’zolari zimmasidagi mas’uliyat bir necha barobarga oshadi.
Konferensiyada viloyat partiya tashkilotining navbatdagi anjumaniga 39 nafar delegat saylandi. Muhokama etilgan barcha masalalar yuzasidan tegishli qaror qabul qilindi.
O'xshash yangiliklar
-
Ta’lim sohasi vakillari partiya targ‘ibotida faol
09.04.2024, 20:15
-
“Bunyodkor tekstilda” quyi bo‘g‘in faoliyati jonlanmoqda
08.04.2024, 17:01
-
217 nafar partiya a’zosi bo‘lgan korxonadagi quyi bo‘g‘inning faoliyatiga baho berildi
05.04.2024, 12:57
-
Viloyat hokimi o‘rinbosarining hisoboti eshitildi
04.04.2024, 11:09
-
Buxorolik maslakdoshlarimiz safi tobora kengayib bormoqda
02.04.2024, 16:56
Fikringizni qoldiring