Tajribali tadbirkor yoshlarga biznesning sir-asrorlarini o‘rgatdi
10.10.2023, 17:02
Berdaq nomidagi Qoraqalpoq davlat universitetida O`zLiDeP Qoraqalpog‘iston Respublikasi Kengashi Siyosiy ta’lim va deputatlik guruhlar bilan ishlash bo‘limi tamonidan tashkil etilgan uchrashuvda partiyamizdan saylangan Nukus shahar Kengashi deputati Mirat Qasimov va partiyamiz faoli yosh tadbirkor «Biogumus» fermer xo‘jaligi rahbari Sherzod Niyazimbetov talabalarga o‘z tajribalarini bayon qilib, o‘z sir-asrorlarini o‘rgatdi.
-Tadbirkor bo‘lishingiz uchun sizda ikkita sifat bo‘lishi shart, birinchisi tavakkalchilik, ikkinchisi sabr-toqat. Suvga tushmay turib, hech qachon daryodan kechib o‘ta olmaysiz. Suvga sakrasam cho‘kib ketmaymanmi? Suza olamanmi ohirigacha? - deb sohilda turganingiz bilan savolingizga javob ololmaysiz. Javobni bilish uchun suvga sakrab ko‘rish kerak, - deydi «Biogumus» fermer xo‘jaligi rahbari Sherzod Niyazimbetov.
Yosh tadbirkor uchrashuv davomida o‘z tajribalari asosida juda ko‘p foydali ma’lumotlarni talabalarga aytib o‘tdi.
Shuningdek, partiyamizdan saylangan deputat Miyrat Qasimov “O’zbekiston-2030” strategiyasidagi asosiy yo‘nalishlarning biri – barqaror iqtisodiy o‘sish orqali aholi farovonligini ta’minlash borasida yoshlarga ma’lumotlar berdi. Bundan tashqari ta’lim krediti, xotin-qizlar uchun imtiyozli kreditlar, tadbirkorlikni boshlash uchun, bank sohasiga oid va subsidiyalar haqida kengroq ma’lumotlar berdi. Uchrashuv davomida faol ishtirok etgan talabalarga esdalik sovg‘alari topshirildi.
Klara Xudaybergenova
O`zLiDeP Qoraqalpog‘iston Respublikasi Kengashi
Siyosiy ta’lim va deputatlik guruhlar bilan
ishlash bo‘limi mudiri
O'xshash yangiliklar
-
Yoshlarning biznesga qiziqishi yana-da ortmoqda
24.04.2024, 17:07
-
Talaba-yoshlarning partiya loyihalariga qiziqishi ortmoqda
09.04.2024, 19:25
-
Nukuslik yoshlarning moliyaviy savodxonligi oshirildi
31.03.2024, 09:59
-
Yoshlarning moliyaviy savodxonligi oshirildi
16.03.2024, 14:44
-
Deputat talabalarning ta’lim va ish bilan bandlik yo‘nalishidagi muammolari bilan qiziqdi
07.03.2024, 10:56
Fikringizni qoldiring