G’alvir suvdan ko‘tarilganda...
22.03.2024, 12:16
O’zLiDeP Sharof Rashidov tuman Kengashi tarkibida o‘z saflariga 8896 nafar maslakdoshlarimizni birlashtirgan 108 ta boshlang‘ich partiya tashkiloti faoliyat olib bormoqda.
Ayni kunlarda ushbu quyi bo‘g‘inlarda bo‘lib o‘tayotgan hisobot-saylov yig‘ilishlari o‘ziga xos sarhisob vazifasini o‘tashi bilan birga, kelgusi istiqbolli rejalarni belgilab olishda muhim ahamiyat kasb etmoqda.
Ta’bir joiz bo‘lsa, “G’alvir suvdan ko‘tarilgan” ushbu kezlarda quyi bo‘g‘in a’zolari hisobot davrida amalga oshirilgan ishlarni tanqidiy tahlil qilish imkoniga ega bo‘lmoqdalar.
Tumandagi “Uchtepa” mahalla fuqarolar hududida tashkil etilgan boshlang‘ich partiya tashkilotiga tajribali maslakdoshimiz Alisher Shodmonqulov yetakchilik qilib kelmoqda.
Quyi bo‘g‘in a’zolari o‘tgan yili mamlakatimizda bo‘lib o‘tgan siyosiy jarayonlarda alohida faollik ko‘rsatdilar. Shuningdek, ular mahalladagi obodonchilik, bunyodkorlik borasida olib borilayotgan jarayonlardagi muammoli masalalarga partiyaviy vositalar bilan yechim topishga, hududda tomorqachilikni, tadbirkorlikni rivojlantirishga munosib hissa qo‘shmoqdalar.
Quyi bo‘g‘in yetakchisi amalga oshirilgan ishlar to‘g‘risida partiyadoshlariga hisobot berar ekan, joriy yilda belgilangan ish rejalari ga ham batafsil to‘xtalib o‘tdi. Quyi bo‘g‘in a’zolarining faolligi, siyosiy yetukligi muhokamalar chog‘ida yana bir bor ko‘zga tashlandi. Ular tomonidan ko‘plab asosli taklif va mulohazalar bildirildi. Ular umumlashtirilib, belgilangan rejalar yanada boyitiladigan bo‘ldi.
Yig‘ilishda BPT raisi hisobotini qoniqarli, deb topgan quyi bo‘g‘in a’zolari uning o‘zini yetakchilikka qayta saylashdi.
G’anisher Avalboyev,
O’zLiDeP Sharof Rashidov tuman bo‘limi raisining birinchi o‘rinbosari - apparat rahbari
O'xshash yangiliklar
-
Ta’lim sohasi vakillari partiya targ‘ibotida faol
09.04.2024, 20:15
-
“Bunyodkor tekstilda” quyi bo‘g‘in faoliyati jonlanmoqda
08.04.2024, 17:01
-
217 nafar partiya a’zosi bo‘lgan korxonadagi quyi bo‘g‘inning faoliyatiga baho berildi
05.04.2024, 12:57
-
Viloyat hokimi o‘rinbosarining hisoboti eshitildi
04.04.2024, 11:09
-
Buxorolik maslakdoshlarimiz safi tobora kengayib bormoqda
02.04.2024, 16:56
Fikringizni qoldiring