Tayloq tumani “Chorvoqtepa” mahallasida yashovchi Yodgorjon Akmaljonov 6 yoshda. Yillar oqar daryo misol o‘tib boryapti. Yodgorjon bu yil birinchi sinfga boradi. U katta bo‘lsa otasidek xarbiy xizmatchi bo‘lishini bot-bot takrorlaydi.

 9 may – Xotira va qadrlash kuni arafasida O‘zLiDeP Samarqand viloyat Kengashi deputati Dilshod Muhammedov tomonidan yurtning mard o‘g‘loni avlodi davomchisi Yodgorjon Akmaljonovga parta (stol va stul jamlanmalari) sovg‘a qilindi.

– Hozir turmush o‘rtog‘imdan yodgorlik bo‘lib qolgan 3 nafar  farzandimni otasidek, mard-jasur qilib tarbiyalayapman, – deydi Halima Bobotoyeva. –Ularga imkon qadar otasining o‘rnini bildirmaslikka harakat qilaman. – Davlatimizga, hukumatimizga rahmat, har bayramda holimizdan xabar olib, yo‘qlab turadilar.

Uchrashuvda O‘zLiDeP Samarqand viloyat va Tayloq tuman Kengashi tomonidan Yodgorjonning oila a’zolariga esdalik sovg‘alari topshirildi.

Baxtigul QARShIYEVA,

O‘zLiDeP Samarqand viloyat

 Kengashi matbuot kotibi

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!