Mamlakat Sodiqova Buxoroning ishbilarmon ayoliga aylandi

19.07.2018, 17:48

O‘zLiDeP Buxoro viloyat Kengashi “Ayollar qanoti” tomonidan “Ishbilarmon ayol” ko‘rik-tanlovining viloyat bosqichi bo‘lib o‘tdi.

Dastlab tanlov ishtirokchilarning ishlab chiqarayotgan mahsulotlarini ko‘rgazmasi tashkil etildi. Hakamlar ishtirokchilarni baholashda xotin-qizlarning zamonaviy ishlab chiqarishni yo‘lga qo‘yish orqali yangi ish o‘rni yaratgani va eksportga yo‘naltirgani hamda import o‘rnini bosadigan mahsulot ishlab chiqarganiga e’tibor qaratildi.

Tanlov yakuniga ko‘ra faxrli 1-o‘rin Buxoro shaxridagi “Zamin madad tayyorlov savdo” MChJ rahbari Mamlakat Sodiqovaga berildi. 2-o‘rin viloyat markazidagi “Omad baxt quvonch” MChJ raxbari Hilola Halimova hamda Romitan tumanidagi yakka tartibdagi tadbirkor Zebiniso Ostonova, 3-o‘rin esa Buxoro shahridagi “Tadbirkor biznes tsentr” nodavlat ta’lim muassasasi kasb-hunar o‘quv markazi raxbari Sabohat Davronova va G‘ijduvon tumanidagi “Djurayeva Iqlima Majitova” oilaviy korxonasi rahbari Iqlima Jo‘rayevaga nasib etdi.

– Qishloq xo‘jalik maxsulotlarini qayta ishlash va uzoq muddatga saqlashga ixtisoslashgan korxonamiz qator nufuzli ko‘rik-tanlovlarda e’tirof etilyapdi, – deydi Mamlakat Sodiqova. – Yaqindan boshlab Germaniyada ishlab chiqarilgan zamonaviy sovutgich olib keldik. “Ipoteka” bankning Sardor filiali ajratgan 840 mln kredit mablag‘i hisobiga ana shunday unumli texnologiya xarid qildik.

O‘zLiDeP Buxoro viloyat

Kengashi matbuot xizmati

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!

Teglar

Ayollar qanoti

Ko'rildi

1343
Chop etish
Do'stlar bilan ulashish

Bildirilgan fikrlar

Усмонов Сардор Ромитан тумани2018-07-28 09:47:23

G`oliblarga Respublika bosqichida zafarlar tilaymiz

Мавжуда Рашидова-O'zLiDeP Бухоро вилоят кенгаши бўлим мудири2018-07-20 17:55:24

Ўтказилган кўрик-танловлар жуда чиройли ташкил этилди. Бунда вилоят ҳамда барча туман (шаҳар) Кенгашларининг ҳиссаси бор. Бундай тадбирлар ўтказилиши натижасида ҳудудларда янги-янги тадбиркор ва ишбилармон аёлларимиз кашф этилмоқда. Бугунги кунда тадбиркор аёлларга яратилаётган шарт-шароитлар, берилаётган имтиёзлардан уларнинг тўғри фойдаланиши натижасида вилоятимизда ишсизларнинг сони камаяди, жиноятчилик ва четга чиқишларнинг олди олинишига эришилади деб ўйлайман.

Наргиза Халилова кадрлар бўйича инспектор2018-07-20 15:27:51

"Аёллар қаноти" томонидан ташкил этилган "Ишбилармон аёл" кўрик-танловининг ва "Бунёдкор аёллар" лойиҳасининг вилоят босқичлари жуда яхши ташкил этилган. Тадбирларда намунали кўргазмалар, иштирокчиларнинг иш фаолиятидан намуналар, инновацион ғояларни тарғиб қилиш мақсадида макетлар ҳамда озиқ-овқат махсулотлари ярмаркаси ташкил этилди. Тадбирда мен янги тадбиркор аёлларнинг фаолияти билан танишдим.

Дилбар Ахмедова ЎзЛиДеП Бухоро вилоят Кенгаши раис ўринбосари2018-07-20 15:08:01

Ушбу тадбир орқали ҳар йили янгидан янги тадбиркор аёлларни кашф этаяпмиз. Тадбирда иштирок этган уй бекалари, ўз ишини бошламоқчи бўлган хотин-қизларимиз учун катта бир мактаб, шу тадбир орқали бизлар йирик, тажрибали, шижоатли тадбиркор аёлларимизнинг фаолиятини хотин-қизларимиз орасида тарғиб қилишга эришдик.

Ҳилола Мақсудовна, тадбир иштирокчиси, Бухоро вилояти2018-07-20 14:48:28

Мен биринчи марта ЎзЛиДеП партиясининг тадбирида иштирок этдим. "Ишбилармон аёл" кўрик-танлови вилоят босқичида эса фахрли иккинчи ўринни эгаллаганимдан жуда хурсандман. Менинг фаолиятимга берилган баҳо, келгусида тадбиркорлик йўналишларини янада кенгайтиришга даъват этувчи куч сифатида таъсир қилди.

Мамлакат Умедовна, кўрик-танлов ғолиби, Бухоро вилояти2018-07-20 14:39:40

Тадбир жуда яхши ташкил этилган. Бунинг учун тадбир ташкилотчиларига катта раҳмат! Тадбир ғолиби сифатида менга билдирилган ишончни оқлашга ҳаракат қиламан. Қилаётган камтарона меҳнатимиз орқали ватанимиз, вилоятимизнинг равнақига ҳисса қўшаётганлигимиздан хурсандмиз!

Сабоат давронова, кўрик-танлов иштирокчиси, Бухоро вилояти2018-07-20 14:30:55

Мазкур тадбирда иштирок этиб, ёш тадбиркор аёл сифатида ўз малакамни оширдим. Вилоятимиздаги тажрибали, шижоатли, инновацион ғояга эга бўлган тадбиркор аёлларнинг иш фаолияти билан танишдим. Келажакда бугунги олган тажрибаларимга таяниб, танловнинг республика босқичида иштирок этиб, фахрли ўринларни эгаллашни ўз олдимга мақсад қилдим.