O‘zLiDeP Qoraqalpog‘iston Respublikasi Kengashi yoshlar bilan ishlash bo‘limi tomonidan Qoraqalpoq davlat universitetida “Yoshlar - kelajagimiz” Davlat dasturi bo‘yicha o‘quv-seminar o‘tkazildi.

Tadbirda “Oralbay Nukus” mas’uliyati cheklangan jamiyati rahbari, yosh tadbirkor Pamir Serjanov tomonidan master-klass tashkil etildi.

– Tadbirkorlik faoliyatimni 2013 yili tijorat banklaridan kredit olib boshlagan edim, – deydi Pamir Serjanov. – Korxonamiz asosan temir buyumlaridan mahsulotlar ishlab chiqaradi. Korxona faoliyatini yanada kengaytirish maqsadida Xitoy davlatidan yangi texnologiyalarni olib keldik. Bugungi kunda korxonamizda 12 nafar ishchi ishlamoqda. Yangi uskunalarning ishga tushishi bilan yana 10 nafarga yaqin yoshlarni ish bilan ta’minlash imkoni paydo bo‘ladi.  

Seminar yakunida ishtirokchilar o‘zlarini qiziqtirgan savollarga javob olishdi.

O‘zLiDeP Qoraqalpog‘iston

 Respublikasi Kengashi

matbuot xizmati

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!