O‘zLiDeP Zarafshon shahar Kengashi xodimlari “Orianna yarns texstel” O‘zbekiston-Turkiya qo‘shma korxonasida bo‘lib, u yerda tashkil etilgan boshlang‘ich partiya tashkiloti a’zolari bilan yaqindan suhbatda bo‘lishdi. Uchrashuv chog‘ida mazkur BPT faoliyatini yanada jonlantirish va a’zolar safini kengaytirish hamda partiya maqsad va vazifalarini korxona ishchi xodimlariga yetkazish yuzasidan BPT raisiga tegishli topshiriqlar berildi.

Shuningdek, Prezidentimizning 2018 yil 7 iyundagi “Har bir oila – tadbirkor” dasturini amalga oshirish to‘g‘risida”gi Qarori hamda 2018 yil 27 iyundagi O‘zbekiston Respublikasi Prezidentining “Yoshlar– kelajagimiz” Davlat dasturi to‘g‘risidagi farmoni mazmun-mohiyati korxona ishchi-xodimlariga tushintirildi.

Tadbir so‘nggida partiya faoliyati yuzasidan berilgan savollarga O‘zLiDeP shahar Kengashi xodimlari tomonidan tegishli javoblar berildi. Qo‘shma korxonaning 12 nafar xodimiga partiya a’zolik guvohnomalari topshirildi.

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!