Qiziriq tumanidagi sayyor qabulda muammolar ijobiy hal etildi
08.11.2017, 17:54
O‘zLiDeP Surxondaryo viloyat Kengashi Qiziriq tumanida sayyor qabul tashkil etdi.
Sayyor qabulda O‘zLiDeP viloyat Kengashi mas’ul xodimlari, xalq deputatlari viloyat Kengashidagi partiya deputatlik guruhi a’zolari hamda “O‘lg‘irsoy” va “Xo‘jaipok” mahallalarida istiqomat qiluvchi 128 kishi ishtirok etdi.
Sayyor qabulda Qiziriq tuman Bandixon hududida istiqomat qilayotgan fuqarolardan kelib tushgan murojaatlar tahlil qilindi. Tadbir davomida fuqarolardan 20 dan ziyod murojaat qabul qilinib, 10 tasi o‘z yechimini topgan bo‘lsa, qolgan murojaatlar deputatlik so‘rovi jo‘natish orqali hal etiladi.
– Meni uzoq vaqtdan buyon qandli diabet kasali bezovta qiladi, – deydi Qiziriq tumani Chinor mahallasida yashovchi Mamatg‘ozi Keldiyorov. – Shu bois sayyor qabul davomida deputatlardan viloyat Kordiologiya markazida davolanish uchun order olishda amaliy yordam so‘radim. Muammom ijobiy hal bo‘lganidan juda xursandman. Buning uchun O‘zLiDeP deputatlik guruhi a’zosi M. Qobulovaga o‘z minnatdorchiligimni bildiraman.
Ta’kidlash kerak, O‘zLiDeP Surxondaryo viloyat Kengashi yil yakuniga qadar yana 5 ta ana shunday sayyor qabullarni tashkil etishni rejalashtirgan.
Ziyoda QODIROVA,
O‘zLiDeP Surxondaryo viloyat Kengashi Jismoniy
va yuridik shaxslarning murojaatlari
bilan ishlash bo‘limi mudiri
O‘zLiDePning Facebook’dagi rasmiy sahifasi va Telegram’dagi kanaliga a’zo bo‘lib, so‘nggi yangiliklardan xabardor bo‘ling!
O'xshash yangiliklar
-
Qo‘rg‘ontepada qishloq xo‘jaligiga mo‘ljallangan yerlardan samarali foydalanish holati tahlil qilindi
26.01.2024, 16:23
-
Deputat ko‘magida aholi xonadonlariga ichimlik suvi yetib bormoqda
26.01.2024, 11:59
-
Deputatlik eshituvi tanqidiy-tahliliy ruhda o‘tdi
26.01.2024, 11:58
-
Boshqarma boshlig‘ining hisoboti eshitildi
25.01.2024, 15:34
-
Zominlik deputatlar tuman elektr tarmoqlari korxonasi rahbarining hisobotini eshitdilar
23.01.2024, 15:15
Fikringizni qoldiring