O‘zLiDeP ko‘magida “Oltiariq” MChJda 14 nafar ayol ishga joylashdi
17.02.2020, 16:41

O‘zLiDeP Farg‘ona viloyat kengashi “Ayollar qanoti” tashabbusi bilan “Xalq boy bo‘lsa, davlat ham boy va qudratli bo‘ladi” shiori ostida Oltiariq tumanidagi “Oltiariq” MChJda uchrashuv tashkil etildi.
Mazkur korxonaga O‘zLiDeP deputati Azizbek Ibragimov rahbarlik qiladi. U yerda bugungi kunda 200 nafardan ortiq xotin-qizlar faoliyat olib bormoqda. Korxonada asosan, trikotaj mahsulotlari ishlab chiqarilib, Turkiya, Ukraina, Qozog‘iston, Qirg‘iziston kabi bir qator davlatlarga eksport qilinadi.
Tadbir doirasida ishchi xodimlarga Prezidentimizning Oliy Majlisga yo‘llagan Murojaatnomasining mazmun-mohiyati, unda ilgari surilgan g‘oya va tashabbuslar, xususan, xotin-qizlar bandligini ta’minlash bo‘yicha olib borilayotgan ishlar haqida ma’lumotlar berildi.
Tadbir ishtirokchilari mazkur korxona faoliyati bilan yaqindan tanishib, ishchi-xodimlarga yaratilgan sharoitlarni ko‘zdan kechirishdi.
Shu kuni mazkur korxonaga 14 nafar ayollar ishga qabul qilinib, ularga mehnat daftarchalari topshirildi. Shuningdek, 50 nafar ishchi-ayollar partiya a’zoligiga qabul qilindi.
Shoxsulton To‘xtamatov,
O‘zLiDeP Farg‘ona viloyati Kengashi
matbuot kotibi
O'xshash yangiliklar
-
Ayolning bilimli, hunarli bo‘lishi oilaning katta yutug‘idir
02.02.2023, 15:40
-
Xotin-qizlarning tadbirkorlikka oid ko‘nikmalari oshirildi
27.01.2023, 18:09
-
O’quv-seminarning navbatdagisi Murojaatnomada xotin-qizlar yo‘nalishidagi ustuvor vazifalarga bag‘ishlandi
27.01.2023, 18:08
-
O’zLiDeP faoli 51 nafar ishsiz xotin-qizlarning bandligini ta’minladi
25.01.2023, 15:51
-
“Ayollar qanoti” – chinakamiga qanot bo‘lyapti
13.01.2023, 11:40
Fikringizni qoldiring