Prezidentimizning joriy yil 9 oktyabrdagi “Fermer, dehqon xo‘jaliklari va tomorqa yer egalarining huquqlari va qonuniy manfaatlarini himoya qilish, qishloq xo‘jaligi ekin maydonlaridan samarali foydalanish tizimini tubdan takomillashtirish chora-tadbirlari to‘g‘risida” Farmoni agrar sohani yanada rivojlantirish, tizim oldidagi muammo va to‘siqlarni bartaraf etishga qaratilgan. Farmonda belgilangan vazifalar mazmun-mohiyatini keng aholi qatlamiga tushintirish maqsadida O‘zLiDeP Andijon viloyat Kengashi tomonidan joylarda targ‘ibot-tashviqot ishlarini olib bormoqda.

Ana shunday muloqotlardan biri Paxtaobod tumanida bo‘lib o‘tdi.

– Yurtboshimiz Andijon viloyatida bo‘lgan saylovoldi uchrashuvida “Andijon tomorqa maktabi”ni yaratish zarurligini alohida ta’kidlagan edilar, – deydi Uchko‘za mahallasida istiqomat qilayotgan Rahimjon Abdurahmonov. – Men ham 8 sotixli tomorqamdan samarali foydalanib kelyapman.  Pomidor hosilidan bo‘shagan yerga allaqachon sarimsoqpiyoz va bodring urug‘larini qadadim. Ular ayni kunda bo‘y cho‘zib qolgan.

Ta’kidlash kerak, Prezidentimizning mazkur farmoni partiyaning “O‘zLiDeP boshlang‘ich tashkilotlari o‘z tomorqasida faoliyat boshlaganlarga ko‘makdosh” loyihasini  yanada ommalashtirishga turtki bo‘lmoqda. Bu esa partiyamiz g‘oyalarining yanada ommalashishiga xizmat qiladi.

Abrorbek XONTO‘RAYEV,

O‘zLiDeP Andijon viloyat Kengashi

BPTlar bilan ishlash guruhi rahbari

O‘zLiDePning Facebook’dagi rasmiy sahifasi va Telegram’dagi kanaliga a’zo bo‘lib, so‘nggi yangiliklardan xabardor bo‘ling!