Қишлоқ оилавий поликлиникалари замонавий тиббий асбоб-ускуна ва жиҳозлар билан таъминланади
23.02.2018, 17:36
Жорий йилда юртимизда тиббий ёрдам тизимини янада такомиллаштириш ва тиббий хизмат сифатини ошириш бўйича ишлар изчил давом эттирилади. Хусусан, аҳолини арзон нархлардаги сифатли дори воситалари билан таъминлайдиган 2 мингта ижтимоий дорихона ташкил этиш режалаштирилган. 793 та қишлоқ оилавий поликлиникасини замонавий тиббий асбоб-ускуналар ҳамда давлат санитария-эпидемиология назорати марказларининг санитария-гигиена лабораторияларини замонавий жиҳозлар билан таъминлаш каби чора-тадбирлар белгиланган.
Бу ҳақда O‘zLiDeP Жиззах вилоят Кенгаши томонидан Пахтакор туманида Давлат дастурида белгиланган устувор вазифалар ижросини таъминлаш мақсадида ташкил этилган тадбирда алоҳида таъкидланди.
– Яқинда нафақага чиқдим, – дейди туман диспансер врачи Васила Сувонқулова. – Касбимни яхши кўрганим туфайли ҳозир ҳам ишлаб, ёшларга ўз тажрибамни ўргатиб келяпман. Бунинг устига, туманимиз касалхоналарида мутахассис кадрлар етмайди. Президентимиз фармони билан нафақага чиқиб ишлайдиган ходимларга иш ҳақи ва нафақалар тўлиқ миқдорда берилиши, очиғи, бизни жуда қувонтирди.
Тадбирда бугунги кунда барча соҳаларда бўлаётгани каби тиббиёт соҳасида ҳам аҳоли саломатлиги йўлида кенг кўламли ислоҳотлар бошлаб юборилгани, бу ислоҳотлар замирида “Инсон манфаатлари – ҳамма нарсадан устун” деган эзгу ғоя мужассам эканлиги таъкидланди.
O‘zLiDeP Жиззах вилоят
Кенгаши матбуот хизмати
O‘zLiDePнинг Facebook’даги расмий саҳифаси ва Telegram’даги каналига аъзо бўлиб, сўнгги янгиликлардан хабардор бўлинг!
Ўхшаш янгиликлар
-
Она тилим ўлмайди
18.10.2023, 17:36
-
Янги таҳрирдаги Конституция ўқитилмоқда, ўрганилмоқда
05.09.2023, 16:35
-
Тадбиркорлар ҳуқуқларини ҳимоя қилиш борасидаги ўзаро ҳамкорлик масалалари муҳокама қилинди
16.08.2023, 09:45
-
Референдумда O`zLiDePдан иштирок этадиган кузатувчилар учун ўқув-семинар ўтказилмоқда
18.04.2023, 17:27
-
Депутатлар фаолиятини жонлантиришга қаратилган амалий семинар ўтказилди
27.01.2023, 18:10
Фикрингизни қолдиринг