Наманган вилояти ҳокимлигида ушбу масалага бағишланган тарғибот йиғилиши бўлиб ўтди.

Унда Олий Мажлис Конунчилик палатаси депутати Зафар Худайбердиев, вилоят ҳокимлиги ходимлари, ОАВ вакиллари иштирок этдилар.

Йиғилишни ташкилий-назорат гуруҳи раҳбари Баҳодир Бобоханов олиб борди.

Йиғилишда мамлакатимиз Конституциясига ўзгартириш ва қўшимчалар киритиш юзасидан Конституциявий комиссия томонидан амалга оширилган ишлар, тайёрланган Конституциявий қонуннинг мазмун-моҳияти ҳақида фикр алмашилинди.

Наманган вилояти ҳокимлигининг юридик хизмати раҳбари Алишер Дадаханов, вилоят ҳокимининг матбуот котиби - Ахборот сиёсати масалалари бўйича маслаҳатчиси Фарҳод Мамадалиев, вилоят ҳокимининг маслаҳатчиси Ирода Қўчқарова, вилоят ҳокимининг ёрдамчиси Аюбхон Бабамирзаев, Халқ депутатлари вилоят кенгаши котибияти мудири Равшанбек Абдуллаевлар ҳам ўз фикрларини билдиришди.