Педагог ходимларнинг мақоми мустаҳкамланмоқда
14.07.2022, 16:50
Қонунчилик палатаси депутати Фахриддин Саматов Жарқўрғон туманидаги “Қорақурсоқ”, “Истиқлол” ва “Меҳнат-роҳат” маҳаллаларида Конституциявий қонун лойиҳасидаги ўзгаришлар бўйича учрашув ўтказди. Депутат маҳалла фуқароларига лойиҳадаги 41-модданинг тўлдирилаётган қисмларини батафсил таништириб ўтди. Яъни давлат мактабгача таълим ва тарбияни ривожлантиришга кўмаклашиши, ҳар бир боланинг умумий ўрта таълим ташкилотларига ўқишга кириш учун мажбурий бир йиллик тайёргарликдан ўтишга бўлган ҳуқуқини кафолатлаши белгилаб қўйилаётгани таъкидланди.
41-моддаданинг яна бир бандида педагог ходимларнинг мақомини ҳар жиҳатдан мустаҳкамлаш жамият ва давлатнинг мақсади ҳамда масъулиятли вазифаси эканлиги, уларнинг касбий фаолиятига аралашишга, шунингдек уларнинг хизмат мажбуриятларини бажаришига монелик қилишга йўл қўйилмаслиги ҳам қатъий тарзда белгилаб қўйилмоқда. Албатта, бу ўқитувчиларнинг қадрини, мавқеини яна бир карра кўтаришга, устозлик касбига нисбатан ҳурмат ҳиссини уйғотишга хизмат қилади.
Учрашувда фуқаролар 63-моддадаги ўзгариш – яъни “Никоҳ аёл ва эркакнинг ихтиёрий розилиги ва тенг ҳуқуқлилигига асосланади. Давлат кўп болали оилаларга қонунга мувофиқ имтиёзлар ва ижтимоий кафолатлар берилишини таъминлайди” каби бандлари бўйича ҳам ўз таклифларини билдиришди.
O'zLiDeP Сурхондарё вилояти Кенгаши
матбуот хизмати
Ўхшаш янгиликлар
-
Балиқчилик ишбилармон аёллар сараланяпти
04.05.2024, 20:06
-
Ўзаро манфаатли ва ишончли ҳамкорлик янги марраларга чорлайди
04.05.2024, 20:03
-
Оҳангарондаги ишбилармон аёллар фаолияти қўллаб-қувватланди
04.05.2024, 20:01
-
Жондорлик депутатлар ва маҳалла фаоллари билан мулоқот қилинди
04.05.2024, 18:00
-
Инвестициялар – иқтисодий тараққиётимизнинг мустаҳкам драйвери
04.05.2024, 16:50
Фикрингизни қолдиринг