Президентимиз томонидан 2024 йил - “Ёшлар ва бизнесни қўллаб-қувватлаш йили” деб эълон қилинганлиги халқимизнинг, айниқса, мамлакатимиз аҳолисининг 60 фоизидан кўпроқ қисмини ташкил этган ёшларимизни беҳад қувонтирди. Йилимизнинг бундай ном билан аталиши ёшларга бўлган эътибор ва ғамхўрлик давлат сиёсати даражасининг устувор йўналиши эканлигининг ёрқин ифодасидир.

Айтиш жоизки, куч-қудратга тўлган, шижоатли ва иқтидорли ёшларимиз эртанги кунимизнинг чинакам эгаларидир. Шу боис ҳам, ёшларга, уларнинг билим олиши, касб-ҳунар ўрганиши, ўз иқтидор ва салоҳиятларини тўлақонли юзага чиқаришлари учун кенг имкониятлар яратиб берилмоқда. Ишонч билан айта оламизки, билимли, иқтидорли ва юксак салоҳиятли ёшларимиз келгусида Ватанимиз равнақига хизмат қиладиган, унинг шуҳратини юксакларга кўтарадиган инсонлар бўлиб камол топади. Эртанги кунимиз, ҳаётимизнинг янада фаровон бўлиши учун жонкуярлик билан меҳнат қилади.

Жорий йилда ҳар бир ёшнинг, айниқса, тадбиркорлик билан шуғулланиш, ўз бизнесини йўлга қўйиш истагидаги ёшларни қўллаб-қувватлашга қаратилган ишлар кўлами янада кенгаяди. Бу борада партиямиз томонидан ҳам қатор лойиҳалар доирасида зарур ишлар олиб борилади.

Хусусан, партиямиз “Ёшлар қаноти” ташаббуси билан “Ёш тадбиркорлар лигаси”, “Менинг ғоям”, “Тадбиркорликка илк қадам”, “Ёш тадбиркор” каби лойиҳалар ҳам изчил амалга оширилади. Энг муҳими, 2024 йил - “Ёшлар ва бизнесни қўллаб-қувватлаш йили”да мазкур йўналишдаги ишлар кўлами янада кенгайиб, тадбиркор ёшларимиз сафи кенгаяди.

Шуҳрат БОЗОРОВ,

O’zLiDeP Андижон вилояти кенгаши

Ёшлар ва бизнес тузилмалар билан ишлаш бўлими мудири.