Халқ депутатлари Шаҳрисабз шаҳар Кенгашидаги O’zLiDeP депутатлик гуруҳининг навбатдаги йиғилиши бўлиб ўтди.

Йиғилишда 2018 йилда иш ўринларини ташкил этиш ва аҳоли бандлигини таъминлаш дастури параметрларини бажарилиш аҳволини ўрганиш юзасидан шаҳар бандликка кўмаклашиш маркази бошлиғи А.Темировнинг ҳисоботи  эшитилди.

Ҳисоботда таъкидланганидек, ишсизлик муаммосини ҳал этиш борасида Шаҳрисабз шаҳар ҳокимининг “2018 йилда аҳоли бандлиги таъминлаш ва янги иш ўринларини ташкил этиш дастури” ишлаб чиқилди ва тасдиқланди. Дастурга кўра 2411, шундан янги иш ўринлари ташкил этиш прогноз параметрлари бўйича 127, аҳоли бандлигини таъминлаш бўйича 1140 та иш ўринларини ташкил этиш белгиланган.

– Шунингдек, 2018 йилнинг январь-февраль ойларида 165 та янги иш ўрни яратиш кўзда тутилган бўлиб, ўтган ойлар давомида 201 та янги иш ўрни яратилди, – дейди А.Темиров ўз ҳисоботида. – Бундан ташқари, аҳоли бандлигини таъминлаш дастурига мувофиқ, жорий йил давомида 1140 нафар ишсиз фуқарони ишга жойлаштирдик. Шундан 657 нафари маош тўланадиган жамоат ишларига, 67 нафари квоталанган иш ўринларига, 139 нафари касбга ўқитиш ва қайта тайёрлаш ҳисобига, 277 нафари эса ташқи меҳнат миграцияси орқали хорижга ишга жойлаштириш ҳисобига бандлиги таъминланди.

Йиғилишда кун тартибидаги масалалар юзасидан O’zLiDeP депутатлик гуруҳининг тегишли қарори қабул қилинди.

O’zLiDeP Қашқадарё вилоят Кенгаши

матбуот хизмати

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!