O‘zLiDeP Сиёсий Кенгаши Ижроия қўмитаси cиёсий таълим маркази томонидан партия Сурхондарё вилоят, туман ва шаҳар Кенгаши аппарат раҳбарлари, Халқ депутатлари туман ва шаҳар Кенгашларидаги партия депутатлик гуруҳи ижрочи котиблари ҳамда депутатлик гуруҳи раҳбарлари учун ўқув-семинар ташкил этилди. 

Семинарда Президентимизнинг Олий Мажлисга Мурожаатномасидан келиб чиқувчи партия ҳудудий кенгашлари ходимлари олдида турган долзарб вазифалар, шунингдек, “Фаол тадбиркорлик, инновацион ғоялар ва технологияларни қўллаб-қувватлаш йили” Давлат дастурида белгиланган вазифалар ижросини таъминлаш борасида партия вилоят Кенгаши томонидан олиб борилаётган сайъ-ҳаракатлар ҳақида сўз юритилди.  

– Ўқув давомида “Сиёсий партиялар тўғрисида”, “Халқ депутатлари вилоят, туман ва шаҳар Кенгаши депутатининг мақоми тўғрисида” ва “Маҳаллий давлат ҳокимияти тўғрисида”ги қонунлар мазмун-моҳияти кенгроқ тушунтириб берилди, – дейди O`zLiDeP Узун туман Кенгаши ижрочи котиби Феруза Норқулова. – Шунингдек, партия вилоят Кенгашидаги депутатлик гуруҳларига маҳаллий ижро этувчи ҳокимият органлари иши устидан таъсирчан депутатлик назоратини ўрнатиш юзасидан зарур тавсиялар берилди. Қолаверса, сиёсий партиялар тизимида фаолият олиб бораётган ходимларнинг жамиятдаги мавқеини ошириш, билим ва салоҳиятини янада бойитиш, уларнинг жамоатчилик ишларида ташаббускорлигини кучайтиришга қаратилган ишлар кўламини янада кенгайтиришга келишиб олинди.

Семинарда Президентимиз маърузасидан, келиб чиқадиган устувор вазифалар мазмун-мoҳиятини сиёсий партияларнинг электорати ҳамда қуйи тизимидаги бошланғич партия ташкилотларига етказиш юзасидан билдирилган фикр-мулоҳазалар атрофлича таҳлил қилиниб, партия олдида турган галдаги вазифалар белгилаб олинди.

  O‘zLiDeP Сурхондарё вилоят

Кенгаши матбуот котиби

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!