O‘zLiDeP Самарқанд вилоят Кенгаши томонидан Каттакўрпа маҳалласидаги “Мамадиёр Дўстов” балиқчилик фермасида “Томорқа – беминнат даромад манбаи” мавзуида амалий мулоқот ташкил этилди. Унда партия вилоят Кенгаши ходимлари, бошланғич партия ташкилоти раислари, тадбиркор ва фермерлар ҳамда кенг жамоатчилик вакиллари иштирок этди.

–2009 йилдан буён балиқчилик билан шуғулланаман. Айни чоғда 9 гектар ер майдонида 50 минг дона Африка лаққаси, Амур, Зоғора каби балиқ турлари етиштиряпмиз, –  дейди Мамадиёр Дўстов. – Эътиборлиси, фермамизда 8 нафар ишчи-ходим доимий иш билан банд. Уларнинг ҳар бирига эса 500 минг сўмдан ойлик маош тайинлаганмиз. Бундан ташқари, йил охирида кўрилган фойдага қараб 2-3 миллион сўмдан қўшимча пул мукофоти беришни жорий қилганмиз.

–Маҳалламизда тадбиркор ва ишбилармонлар кўпчиликни ташкил этади. Улар бизнинг фахримиз, – дейди “Каттакўрпа” МФЙ раиси Абдулҳафиз Ашуров. – Бизда ишсиз одамнинг ўзи йўқ. Ҳамма меҳнат билан банд. Шуни эвазига маҳалламизда кейинги йилларда ажримлар, жиноятлар қайд этилмаган.

Тадбир сўнггида “Мамадиёр Дўстов” балиқчилик фермасининг 5 нафар ишчиси O‘zLiDeP сафига қабул қилиниб, ферма қошида бошланғич партия ташкилоти очилди.

Бахтигул ҚАРШИЕВА,

O‘zLiDeP Самарқанд вилоят

 Кенгаши матбуот котиби

O‘zLiDePнинг Facebook ҳамда Instagram'даги расмий саҳифаси ва Telegram’даги каналига аъзо бўлиб, сўнгги янгиликлардан хабардор бўлинг!