O‘zLiDeP музработлик тадбиркор Наима Юсуповага 25 млн. сўм миқдорида кредит олиб берди
10.01.2019, 18:36
Музработ тумани “Орият” маҳалласида яшовчи ЯТТ Наима Юсупова O‘zLiDePнинг фаол аъзоларидан. Боиси, тадбиркор хотин-қизлар бандлигини таъминлаш, уларга бизнесни йўлга қўйишга кўмаклашишда ўз ёрдамини аямайди.
Масалан, яқинда у партия кўмагида тижорат банкидан 25 млн. сўм миқдорида имтиёзли кредит олиб, маҳалладаги 4 нафар хотин-қизни бандлигини таъминлади. Айни чоғда тадбиркор ишлаб чиқараётган маҳсулотлар ички бозорда харидоргир.
O‘zLiDeP Сурхондарё вилоят Кенгаши ходимлари тадбиркор фаолияти билан яқиндан танишиш, муаммоларини ўрганиш ва ҳал этиш мақсадида у раҳбарлик қилаётган тикув цехига борди.
Ташриф чоғида у ерда яратилган шароитлар, ташаббускор тадбиркорнинг келгусидаги режалари барчага манзур бўлди. Айниқса, Н.Юсупованинг фаолиятини янада кенгайтириб, яна қўшимча 10 иш ўрни яратиш ҳақидаги фикри партия фаоллари томонидан қўллаб-қувватланди.
–Фаолиятимизни бошлаганимизга ҳали кўп бўлгани йўқ. Лекин даромадимиз кундан кунга ошиб боряпти, – дейди тадбиркор. – Тўғри, ҳозирча маҳсулотларимизни ички бозорга сотяпмиз. Келгусида экспортни йўлга қўйиш ниятимиз бор. Бунда партия фаолларининг фаолиятимизни ривожлантириш бўйича берган тавсиялари жуда асқотишига ишонаман.
O‘zLiDeP Сурхондарё вилоят
Кенгаши матбуот хизмати
Ўхшаш янгиликлар
-
Пойтахтлик ишбилармон хотин-қизлар маҳаллалар кесимида сараланяпти
25.04.2024, 12:00
-
Ишбилармон аёллар сараланмоқда
21.04.2024, 13:38
-
O‘zLiDeP “Аёллар қаноти” лойиҳалари орқали ишсиз хотин-қизлар тадбиркор бўляпти
09.04.2024, 19:51
-
Қоратепалик Матлуба опа томорқасидан ҳар йили 30 миллион сўм даромад қилмоқда
09.04.2024, 19:43
-
Хотин-қизларнинг иқтисодий, ижтимоий ва сиёсий фаоллигини оширишга эътибор янада кучайган
31.03.2024, 10:50
Фикрингизни қолдиринг