Конституция байрамида O‘zLiDeP фаоллари тақдирланди
13.12.2017, 15:21
O‘zLiDeP Қорақалпоғистон Республикаси Кенгаши томонидан Ал-Хоразмий номидаги Тошкент ахборот технологиялари университети Нукус филиалида “Конституция – бахтимиз тимсоли” мавзусида давра суҳбати ташкил этди. Унда партия фаоллари, Қорақалпоғистон Республикаси Адлия вазирлиги ходимлари, мутасадди ташкилот вакиллари, талаба ёшлар ва журналистлар иштирок этди.
– Конституциямиз халқаро ҳуқуқнинг демократик тамойилларига тўла мос келади, – деди тадбирда сўз олган O‘zLiDeP Қорақалпоғистон Республикаси Кенгаши раисининг биринчи ўринбосари – аппарат раҳбари вазифасини бажарувчи А.Қыличов. – Унда халқимизнинг тарихий анъаналари ва миллий хусусиятлари ҳам ўз ифодасини топган. Бош қомусимиз мамлакатимизда сиёсий, ижтимоий, иқтисодий ва гуманитар соҳаларни демократлаштириш, жамият ва давлатни модернизация қилиш борасида амалга оширилаётган тарихий ўзгаришлар, парламентаризм ва кўппартиявийликнинг шаклланиши ва мустаҳкамланишига, фуқаролар ҳуқуқ ва эркинликларини таъминлашнинг қонуний негизини яратишга ҳуқуқий пойдевор бўлиб хизмат қилмоқда.
Тадбир давомида соҳа вакиллари иштирокчиларга Бош қомусимизнинг бўлим ва моддаларини шарҳлаб, уларнинг мазмун-моҳиятини кенгроқ тушунтиришга ҳаракат қилишди. Ўзаро мулоқот руҳида ўтган тадбирда партиянинг ғоявий дастурларини тарғиб этишда фаол иштирок этиб келаётган ёшларга партиянинг диплом ва эсдалик совғалари топширилди.
Байрам Танирбергенов
O‘zLiDeP Қорақалпоғистон Республикаси Кенгаши
БПТлар билан ишлаш бўйича консультанти
O‘zLiDePнинг Facebook’даги расмий саҳифаси ва Telegram’даги каналига аъзо бўлиб, сўнгги янгиликлардан хабардор бўлинг!
Ўхшаш янгиликлар
-
Таълим соҳаси вакиллари партия тарғиботида фаол
09.04.2024, 20:14
-
“Бунёдкор текстилда” қуйи бўғин фаолияти жонланмоқда
08.04.2024, 17:00
-
217 нафар партия аъзоси бўлган корхонадаги қуйи бўғиннинг фаолиятига баҳо берилди
05.04.2024, 12:55
-
Вилоят ҳокими ўринбосарининг ҳисоботи эшитилди
04.04.2024, 11:08
-
Бухоролик маслакдошларимиз сафи тобора кенгайиб бормоқда
02.04.2024, 16:54
Фикрингизни қолдиринг