Ишончли вакил хатирчилик маҳалла фаоллари, нуронийлар билан мулоқот қилди
16.10.2021, 16:14
Тадбиркорлар ва ишбилармонлар ҳаракати – Ўзбекистон Либерал-демократик партиясидан Ўзбекистон Республикаси Президентлигига номзод Ш. Мирзиёевнинг ишончли вакили Қ.Санақулов навбатдаги сайловолди учрашувини Хатирчи туманидаги «Галабек» МФЙ ҳудудида жойлашган Педогогика касб-ҳунар мактабида ўтказди.
Маҳалла фаоллари ва нуронийлар иштирокида ўтган учрашув давомида ишончли вакил йиғилганларни Президентликка номзоднинг ҳаёти ва фаолияти билан таништирди.
Шунингдек, номзоднинг беш йиллик ислоҳотлари самараси бугунги фаровон ҳаётимизга нечоғли фойда келтирганлигини санаб ўтди.
Сўнгра Янги Ўзбекистонда рўй бераётган оламшумул натижалар Хатирчи тумани мисолида ҳам таҳлил этиб, ҳудудда улкан ўзгаришларга тамал тоши қўйилганлиги айтиб ўтилди.
Айниқса, "Хўжақурғон”, "Боғишамол”, "Зарафшон”, "Лангар”, "Найман”, "Галабек” ва "Тамабахрин” қишлоқларининг намунали қишлоқ бўлиши учун "Обод қишлоқ” дастури доирасида 295,325 миллиард сўм маблағ сарфланиб, мутлақо янги, кўркам маҳаллалар бунёд бўлгани эътироф этилди.
Бундан ташқари, ишончли вакил Ш.Мирзиёевнинг келгуси беш йиллик учун сайловолди дастурида ҳам Хатирчига алоҳида эътибор қаратганлигини айтиб, туманда таълим тизими, саноат ва ижтимоий ривожланиш учун ажратилаётган маблағлар ва режалаштирилаётган улкан ишлар ҳақида маълумот берди.
Учрашув ниҳоясида йиғилганлар томонидан Хатирчи туманининг янада фаровон ҳаёти учун таклифлар ва Президентликка номзод Ш.Мирзиёев шахсига илиқ фикрлар билдирилди.
Учрашув хатирчилик нуронийлар ва ишончли вакил ўртасида бўлиб ўтган самимий суҳбатларга уланди.
М.Пирнафасова,
O'zLiDeP Навоий вилояти кенгаши
матбуот котиби
Ўхшаш янгиликлар
-
Шавкат Мирзиёев Ўзбекистон Республикаси Президенти сайловида ишончли ғалаба қозонди
26.10.2021, 10:43
-
Ишончли вакил сайловолди учрашувларига Қизилтепада якун ясади
22.10.2021, 20:52
-
Ишончли вакилнинг сайловолди учрашуви тил байрамига бағишланган мусиқий дастурга уланиб кетди
22.10.2021, 20:50
-
Истиқболли режалар - олий мақсадлар рўёбига хизмат қилади
22.10.2021, 19:02
-
Франциялик халқаро кузатувчилар билан учрашув
22.10.2021, 18:57
Фикрингизни қолдиринг