Депутат ташаббуси билан маҳаллага тоза ичимлик суви келди
10.02.2022, 17:22
Пахтаобод туманидаги “Пушмон” маҳалла фуқаролар йиғинида ичимлик суви танқислигидан аҳоли азият чекади. Бир неча йиллик муаммога ҳанузгача ижобий ечим топилмагани ачинарли ҳолат, албатта.
Халқ депутатлари Пахтаобод туман кенгаши депутати Маликахон Жалолованинг мазкур ҳудуддадаги аҳоли муаммоларини ўрганиш ишлари давомида ушбу масала ялт этиб кўзга ташланди. Мурожаатчиларнинг эътирозли фикрлари депутатни бефарқ қолдирмади. Ахир кундалик фойдаланиладиган ичимлик суви об-ҳаводек зарурку! Бир неча чақирим олисдан ичимлик суви ташиб истеъмол қилиш амримаҳолга айланаётганидан кўз юмиб бўлмайди.
-Маҳалламиздаги 40 та хонадон аҳолиси ва ҳудуддаги Ҳарбий қисм сув танқислигидан қийналиб келади, - дейди маҳалла фаоли Абдулхаким Шамсиддинов. - Депутатга мурожаатимиз сабабли муаммо бартароф этилди. Шу кунни ўзидаёқ мутасаддилар билан ҳамкорликда сув қувурлари таъмирланди. Бугун маҳалла аҳллари депутат кўмагидан мамнун.
Учрашувда шунингдек, электр таъминоти ва ички йўларни шағаллаштириш бўйича ўртага ташланган мурожаатлар ҳам O‘zLiDeP депутатлик гуруҳи аъзолари томонидан назоратга олинди ва муаммо ечими бўйича тегишли ташкилотга депутатлик сўрови юборилди.
Муаммонинг катта кичиги бўлмайди. Ҳар бир мурожаат ортида инсон тақдири турибди. Шундай экан, муаммоларга имкон қадар ўз вақтида ечим топишга ҳаракат қилайлик.
Ўхшаш янгиликлар
-
Жиззахлик мутасаддининг ҳисоботи танқидий-таҳлилий кўриб чиқилди
17.05.2024, 10:50
-
Мономарказ — касбга тайёрлашнинг самарали йўли
16.05.2024, 12:21
-
Қўрғонтепада қишлоқ хўжалигига мўлжалланган ерлардан самарали фойдаланиш ҳолати таҳлил қилинди
26.01.2024, 16:22
-
Депутат кўмагида аҳоли хонадонларига ичимлик суви етиб бормоқда
26.01.2024, 11:59
-
Депутатлик эшитуви танқидий-таҳлилий руҳда ўтди
26.01.2024, 11:57
Фикрингизни қолдиринг