“Агробанк” АТБ Оқдарё филиали томонидан 2021 йилда аҳолини тадбиркорлик фаолиятига кенг жалб қилиш мақсадида 602 нафар фуқарога 14 117 млн.сўм миқдорида кредит маблағлари ажратилган.

O’zLiDeP Самарқанд вилоят Кенгаши томонидан “Агробанк” АТБ Оқдарё филиалида “Тадбиркорликни ривожлантиришда тижорат банкларининг роли” мавзусида давра суҳбати ўтказилди.

O’zLiDeP фаоллари, маҳаллий Кенгаш депутатлари ҳамда банк ходимлари иштирок этган тадбирда жойларда тадбиркорликни, шунингдек оилавий тадбиркорликни ривожлантириш орқали аҳоли бандлигини таъминлашда тижорат банкларининг роли катта эканлиги эътироф этилди.

Жумладан, “Агробанк” АТБ Оқдарё филиали томонидан 2021 йилда аҳолини тадбиркорлик фаолиятига кенг жалб қилиш, ҳунармандчилик, касаначилик ва тадбиркорлик фаолиятининг бошқа соҳаларида бандликни таьминлаш орқали уларнинг қўшимча ва барқарор даромад манбалари шаклланишига шарт-шароит яратиш мақсадида жисмоний шахсларга 3 йилга йиллик 14%лик 6 ойлик имтиёзли давр билан жами 602 нафар фуқарога 14 117 млн.сўм миқдорида кредит маблағлари ажратилган.

Ўзбекистон Республикаси Президентининг “Ҳунармандчиликни янада ривожлантириш ва ҳунармандларни қўллаб-қувватлаш бўйича қўшимча чора-тадбирлар тўғрисида”ги қарори ижросини таьминлаш мақсадида 30 та якка тартибдаги тадбиркорларга жами 992,0 млн.сўм микдорда, шунингдек, 22 та кичик корхона, МЧЖ шаклидаги юридик шахсларга жами 2745,5 млн.сўм миқдорида имтиёзли кредитлар ажратилган.

Қодир Шойимов,

O'zLiDeP Самарқанд вилоят Кенгаши

бўлим мудири