Маълумки, кейинги йилларда республикада тадбиркорликни ривожлантириш, инвестицияларни жалб қилиш ва бизнесни юритиш учун қулай муҳит яратиш, тадбиркорларнинг қонуний манфаатларини ҳимоя қилишнинг ҳуқуқий кафолатларини мустаҳкамлаш соҳасида кенг кўламли ишлар амалга оширилди.

Жумладан, солиқ тизими тубдан ислоҳ қилинди, рухсат берувчи ҳужжатларни олиш тартиби сезиларли даражада соддалаштирилди, тадбиркорлик субъектларининг молиявий-хўжалик фаолияти билан боғлиқ бўлмаган режали текширишлар бекор қилинди.

Жиззах вилоят Кенгаши томонидан вилоятда қулай инвестиция муҳити ҳамда кичик ва ўрта бизнес юритишнинг ҳуқуқий асосларини яратиш, коррупциянинг олдини олиш, тадбиркорликнинг йўлига ғов бўлиши мумкин бўлган ҳар қандай бюрократик тўсиқларни бартараф этиш юзасидан бир қатор амалий ишлар қилинмоқда.

O’zLiDeP  фаоли Зафар Рахматуллаев нафақат Бахмал туманида, балки Жиззах вилоятида ҳам таниқли тадбиркорлардан бири ҳисобланади. Унинг раҳбарлигида 2009 йил ташкил топган “Сирли Самар” кўп тармоқли масъулияти чекланган жамиятида бугунги кунда 100 дан ортиқ туман аҳолиси доимий ва мавсумий иш билан таъминланган.

Шунингдек, жамият ходимлари бетон плита ишлаб чиқариш, қурувчилик, ресторан фаолияти билан ҳам шуғулланиб келмоқда. Шунингдек, туман марказидан вилоят ҳамда Тошкент шаҳрига транспорт хизматини йўлга қўйган бўлиб, бугунги кунда туман аҳолисига кўпгина қулайликлар яратиб берган.

Учрашув сўнгида “Сирли Самар” МЧЖ раҳбари Зафар Рахматуллаев билан келгусида бажариладиган ишлар келишиб олиниб, доимий ҳамкорлик йўлга қўйилди.

Холбек АСАТОВ,

O’zLiDeP Жиззах вилоят Кенгаши

Ёшлар ва бизнес тузилмалари

билан ишлаш бўлими мудири