O‘zLiDeP сайёр қабулида Б.Жўрабой кўчасидаги электр энергиясини етказиб беришдаги узилишлар масаласи муҳокама қилинди
03.04.2018, 19:45
O‘zLiDeP Нурота туман Кенгаши ташаббуси билан “Нурфахр” МФЙда сайёр қабул ташкил этилди. Сайёр қабул давомида маҳалланинг “Тошкент” кўчасида истиқомат қилувчи Акмал Ҳожиев кўчаларнинг таъмирталаблиги, куз-қиш мавсумидаги ёғингарчиликлар аҳолига қийинчилик туғдираётганини таъкидлаб йўлларни таъмирлашда мутасаддилар ёрдам сўради. Ушбу мурожаат юзасидан туман “Ободонлаштириш бошқармаси” бошлиғи Р.Авулов “Нурфахр” МФЙга дастур асосида 2,5 км шағал йўл қопламаси жорий йилнинг II-чораги давомида амалга оширилишини маълум қилди.
“Нурфахр” МФЙ “Тошим Бозоров” кўчасида истиқомат қилувчи фуқаро Тоҳир Гадоев пенсияга 2 йил қолганлигини инобатга олиб, иш билан таъминлашда амалий ёрдам сўради. Мазкур мурожаат юзасидан Халқ депутатлари туман Кенгаши депутати С.Зокиров мутасадди идораларга депутатлик сўрови юборишини билдирди.
– Б.Жўрабой кўчасидаги электр кучланиши пасайиб кетган, – дейди маҳалла аҳли вакиллари номидан сўз олган Бахтиёр Абдиев. – Бу эса электр етказиб беришда узилишларга олиб келмоқда. Мутасаддилардан ана шу муаммога жиддий эътибор қаратишларини сўраймиз.
Мазкур масала “Нурота электр тармоқлари” корхонаси бошлиғи Х.Йўлдошев томонидан назоратга олинди.
Сайёр учрашув сўнгида Халқ депутатлари туман Кенгаши депутатларига юқоридаги камчиликлар юзасидан берилган топшириқларни назорат қилиш, депутатлик ваколатидан келиб чиқиб, уларга амалий ёрдам беришга келишиб олинди.
Б.БОБОМУРОТОВ,
O‘zLiDeP Нурота туман
Кенгаши аппарат раҳбари
O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!
Ўхшаш янгиликлар
-
Қўрғонтепада қишлоқ хўжалигига мўлжалланган ерлардан самарали фойдаланиш ҳолати таҳлил қилинди
26.01.2024, 16:22
-
Депутат кўмагида аҳоли хонадонларига ичимлик суви етиб бормоқда
26.01.2024, 11:59
-
Депутатлик эшитуви танқидий-таҳлилий руҳда ўтди
26.01.2024, 11:57
-
Бошқарма бошлиғининг ҳисоботи эшитилди
25.01.2024, 15:32
-
Зоминлик депутатлар туман электр тармоқлари корхонаси раҳбарининг ҳисоботини эшитдилар
23.01.2024, 15:15
Фикрингизни қолдиринг