Замонавий касб-ҳунар ўрганаётган ёшлар фаолияти билан танишилди
22.11.2023, 16:07
“Ўзбекистон - 2030” cтратегиясида белгиланган вазифалар ижросини таъминлаш мақсадида партиянинг “Ёшларнинг жамоатчилик назорати” лойиҳаси доирасида ёшларнинг ҳаётида учраётган муаммоларни ўрганиш ва таҳлил қилиш, шу билан биргаликда уларнинг мамлакатдаги ижтимоий ва сиёсий масалалар бўйича фикрини ўрганиш асосида давлат ва жамоат ташкилотларига таклифлар киритиш мақсадлар кўзда тутилган.
Партия вакиллари Пахтаобод туманидаги иккинчи касб-ҳунар мактабида бўлиб, ёшлар билан мулоқот қилинди. Ҳозирда ушбу масканда 526 нафар талабалар 5 хил йўналишда таҳсил олишмоқда. Бу ерда ёшларни таълим олишлари билан бирга замонавий касб-ҳунарга ўргатиш, бандлигини таъминлаш ва ижтимоий-фойдали меҳнатга жалб қилиш каби ишлар амалга оширилмоқда.
Ўқувчилар дарс давомида давлат бюджети томонидан ажратилган хом ашёлардан унумли фойдаланиб, ўз мутахассисликларини мустаҳкамлаб бормоқдалар. Қонадолатчи-ошпаз йўналишидаги 11 нафар ўқувчи қиз тумандаги “Гумбаз” пархез таомлари ошхонасида ўз иш фаолиятини бошлади. Тикувчилик йўналишини тамомлаган 48 нафар қиз ўз мутахассисликлари бўйича тумандаги “Бахт техтил” корхонасида иш билан таъминланди.
Ишчи гуруҳ томонидан ўтказилган жамоатчилик назорати якуни юзасидан партия депутатлик гуруҳи ва доимий комиссия аъзолари билан биргаликда ўрганишлар натижаси муҳокамаси бўлиб ўтди. Унда ишчи гуруҳ аъзоси Михаил Эгай сўз олиб, тадбиркорлик, ҳунармандчилик ёки касаначилик билан ўз бизнесини йўлга қўяётган ёш уста ва чеварларга, шунингдек, барча ёшларга яратилаётган шароитларни янада яхшилаш, уларни қўллаб-қуввватлаш бўйича таклиф ва мулоҳазаларини бериб ўтди.
Ўхшаш янгиликлар
-
Халқаро инвестиция форуми амалий ҳамкорликни сифат ва мазмун жиҳатидан мутлақо янги босқичга олиб чиқади
02.05.2024, 16:33
-
Навоийлик ишбилармон хотин-қизлар маҳаллалар кесимида сараланяпти
02.05.2024, 16:26
-
Каттақўрғондаги тиббиёт, касб-ҳунар ва хусусий мактаблар фаолияти ўрганилди
02.05.2024, 13:45
-
Чилонзор туманидаги маҳаллалардан ишбилармон хотин-қизлар сараланди
01.05.2024, 15:04
-
Ишбилармон хотин-қизлар маҳаллалар кесимида сараланяпти
01.05.2024, 14:42
Фикрингизни қолдиринг