Жорий йилнинг 23-24 апрел кунлари Президентимиз таклифига биноан Туркманистон Республикаси Президенти Гурбангули Бердимуҳамедов бошчилигидаги Туркманистон делегациясининг юртимизга ташрифи – дини, урф-одати, менталитети ўзаро яқин бўлган икки қардош халқнинг тараққиётида янги босқичини бошлаб берди. Икки давлат раҳбарининг Туркманистон билан чегарадош бўлган вилоятимизга ташрифи эса барча хоразмликларни қувонтиргани ҳақиқат.

Давлат раҳбарларининг Ўзбек-туркман Дўстлик уйига ташрифлари давомида Туркман халқининг маданияти, урф-одатини ҳурмат қилган ҳолда, яратиб берилган шароитларини кўрган Гурбангули Бердимуҳамедов ўз юртида ҳам худди шундай Дўстлик уйини очишини таъкидлаб ўтди. Бу қувонарли ҳол албатта. Сабаби, икки давлатнинг олиб бораётган сиёсатида ҳам ён қўшни мамлакатлар билан дўстона муносабатларни мустаҳкам – устувор вазифадир. 

Ўзбекистон ва Туркманистон давлатлари ўртасидаги ўзаро аҳил муносабатлар хоразмлик тадбиркор ва фермерлар учун учун ҳам тарихий сана сифатида муҳрланиб қолади. Негаки вилоятимизда саноат ва қишлоқ хўжалиги маҳсулотларини экспорт қилиш учун Туркманистон энг яқин бозор ҳисобланади. Имзоланган ҳужжатлар тадбиркорларлик субьектларига катта имкониятлар эшигини очиши шубҳасиз.  

O‘zLiDeP Хоразм вилоят Кенгаши ҳам электоратимиз манфаатларини кўзлаб икки давлат тадбиркорлари ўртасида иқтисодий муносабатларни жадал ривожлантириш учун бор куч ва имкониятларини сафарбар этишда ўзининг муносиб ҳиссасини қўшади.

                                              Шавкат САФАРБАЕВ,

O‘zLiDeP Хоразм вилоят Кенгаши раиси,

Халқ депутатлари Хоразм вилоят Кенгашидаги

O‘zLiDeP депутатлик гуруҳи аъзоси

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!