O‘zLiDeP Қўнғирот туман Кенгаши Халқ депутатлари туман Кенгашидаги партия депутатлик гуруҳи билан ҳамкорликда 9-май Хотира ва қадрлаш куни муносабати билан ҳудуддаги Иккинчи жаҳон уруши қатнашчилари ҳолидан  хабар олишди.

Учрашув давомида отахонлар уруш йилларида бошидан кечирган талофатлар, оғир мусибатли кунларни сўзлаб берди. Бугунги тинчликни қадрига етиш, ватанни кўз қорачиғидек асраш кераклигини бот-бот таъкидладилар.   

– Уруш йилларида бошимиздан ўтган қийинчиликлар илоҳим ҳеч кимнинг бошига тушмасин, – дейди Иккинчи жаҳон уруши қатнашчиси Камол ота Юсупов. – Чунки фронтларда жон олиб, жон беришимизга тўғри келган. Мана, ўша машаққатли йиллар ортда қолди. Шу кунларга етказганига шукр!.

–Кексайганингда фарзандларинг, невара-чеваралар ардоғида фаровон ҳаёт кечиришдан бошқа завқ бўлмаса керак, – дейди Қудайберген ота Хожаметов. – Чунки уруш йилларида кўп талофатлар кўрдик, бошимиздан не-не машаққиятларни кечирмадик дейсиз. Шукрки, бугун дориломон кунларда бахтли ҳаёт кечиряпмиз. Шундай бир пайтда Президентимиз томонидан бизга кўрсатилаётган юксак эътибор кишини янада рухлантиради.

Учрашувлар давомида O‘zLiDeP фаоллари Иккинчи жаҳон уруши қатнашчиларига эсдалик совғалари улашдилар.

    Асем СИРИМБЕТОВА,

O‘zLiDeP Қорақалпоғистон

Республикаси Кенгаши ходими

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!