Юртбошимизнинг 12-13 июнь кунлари Фарғона вилоятига ташриф давомида ҳеч бир масала эътибордан четда қолмади. Давлатимиз раҳбари  ўтган йили 632 минг долларлик маҳсулот экспорт қилган, жорий йилда бу кўрсаткични 800 минг долларга етказишни мўлжаллаётган Марғилон шаҳридаги “Наримтекс” масъулияти чекланган жамиятида ҳам бўлди.

– Президентимиз қайси ҳудудга ташриф буюрмасин, аёлларга бўлган этибори, чексиз ҳурмати, тадбиркор хотин-қизларни руҳлантириб, янги  мақсадлар сари интилишга ундайди, – дейди корхона ишчиси Мухлиса Воҳобжонова. – Юртбошимизнинг аёллар тадбиркорлигини ривожлантириш учун яратиб бераётган имкониятлари биз учун кенг имкониятлар эшигини очмоқда. Яна бир муҳим жиҳатга эътиборингизни қаратсам, юртбошимизнинг вилоятимизга ташрифи ва ва “Ҳар бир оила – тадбиркор” дастурининг қабул қилингани мамлакатимизда тадбиркорликни ривожлантиришга қаратилган қарор ва фармонлари биз ишлаётган корхона ходимларининг ҳам кўнглини тоғдай кўтармоқда. 

Таъкидлаш керак, давлатимиз раҳбари томонидан тадбиркорликни ривожлантириш йўналишида белгилаб берилган вазифалар ижросини таъминлашда O’zLiDeP ҳам салмоқли ҳисса қўшиб келмоқда. Партия “Аёллар қаноти” хотин-қизлар тадбиркорлигини қўллаб-қуватлаш мақсадида қатор лойиҳаларни ҳаётга татбиқ этган. Яқиндагина қабул қилинган “Ҳар бир оила – тадбиркор” дастури ҳам партия “Аёллар қаноти” зиммасига улкан масъулият юклайди.

Севара МУСЛИМОВА,

O’zLiDeP Сиёсий Кенгаши Ижроия

қўмитаси бўлим мудири

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!