Хабарингиз бор, Пойтахтимизда O‘zLiDeP Сиёсий Кенгаши Ижроия қўмитаси “Аёллар қаноти” ташаббуси билан Ўзбекистон Республикаси давлат мустақиллигининг 28 йиллигига бағишлаб “Жонажон Ўзбекистоним, мангу бўл омон!” шиори остида “Ишбилармон аёл” кўрик-танловининг Республика босқичи ўтказилади.

Унда Қорақалпоғистон Республикаси, вилоятлар ва Тошкент шаҳридан ғолиб бўлган энг фаол тадбиркор, фермер, ҳунарманд хотин-қизлар иштирок этади. Шу кунларда кўрик-танлов ишчи гуруҳи аъзолари томонидан республика босқичида қатнашиш ҳуқуқини қўлга киритган ишбилармон аёлларнинг ҳужжатлари ўрганиб чиқилмоқда.

Эслатиб ўтамиз, ушбу кўрик-танловнинг республика босқичи жорий йилнинг 9 август куни ўтказилиб, шу куни ҳамкор ташкилотлар ва Олий Мажлис Қонунчилик палатасидаги партия фракцияси аъзоларидан иборат бўлган ҳакамлар ҳайъати иштирокчиларнинг ишлари билан яқиндан танишиб, адолатли баҳолашади.