O`zLiDeP Чилонзор туман Кенгаши ва Ёшлар ишлари Агентлиги Чилонзор туман  бўлими  ҳамкорлигида Чилонзор туманидаги  маҳаллаларда  “Ёшлар дафтари”га  киритилган   ижтимоий  кредит  олиб   ўз  тадбиркорлик  фаолиятини бошлаш  ниятида бўлган  22 нафар ёшлар учун  48 соатлик  ўқув курслари  ташкил этилди.

Ўқув  курсларини  Халқ  депутатлари Чилонзор туман Кенгашидаги   O`zLiDeP депутатлик гуруҳи аъзоси  Баҳодир Зиёвиддинов олиб  бормоқда.   Дастур  доирасида “Мувоффақиятга  эришиш  сирлари” мавзусида Халқ депутатлари  Чилонзор туман Кенгашидаги O`zLiDeP депутатлик гуруҳи аъзоси Мадаминжон Назиров ёшларга тадбиркорлик сирлари  бўйича  амалий  машғулот ўтди ва бўлажак  тадбиркорларни қизиқтирган саволларига  жавоб берди.

Ўқув курсларини ташкил этишдан мақсад – ёш тадбиркорларни ва ўз  тадбиркорлик фаолиятини бошлаш ниятида бўлан ёшларни қўллаб-қувватлаш ҳамда уларни тадбиркорликка бўлган кўникмаларини шакллантириш, тадбиркорликка тегишли бўлган янгиликларни етказиш, муаммоли масалаларига дуч келганда уни ҳал этиш механизмларини тушунтиришдан иборат, - дейди O`zLiDeP Чилонзор туман Кенгаши раисининг биринчи ўринбосари - аппарат раҳбари Мухримов.

Ўқувлар  якунида АТ “Микрокредитбанк” орқали  имтиёзли  кредит олиш  ҳуқуқини берувчи сертификатлар тақдим  этилади.

O`zLiDeP Тошкент шаҳар кенгаши

матбуот хизмати