Ishonchli vakil Kattaqo‘rg‘on shahridagi saylovchilar bilan uchrashdi
29.09.2021, 17:06
O’zbekiston Liberal-demokratik partiyasidan Prezidentlikka nomzod Shavkat Mirziyoyevning Samarqand viloyatidagi Ishonchli vakili Rustam Xolmurodov Kattaqo‘rg‘on shahrida yashovchi saylovchilar bilan uchrashuv o‘tkazdi.
Tadbirda ishonchli vakil so‘zga chiqib, nomzodning tarjimai holi va siyosiy faoliyati, Samarqand viloyatida hokim bo‘lgan kezlarida hududda amalga oshirgan ijobiy ishlariga alohida to‘xtaldi.
Nomzodimizning o‘tgan 5 yilda mamlakatimizda ta’lim, sanoat, iqtisodiyot, xizmat ko‘rsatish, qishloq xo‘jaligi sohasida ulkan o‘zgarishlarning islohatchisi ekanini qayd etar ekan, nomzodning keyingi 5 yillikka mo‘ljallangan dasturida avvalo inson omili, inson qadrini ulug‘lash eng ustuvor vazifa etib belgilanganligini alohida ta’kidladi.
- Men o‘tgan davrlarni ko‘rgan inson sifatida aytamanki, oldinlari faqat xalq tushunchasi bor edi, - deydi Rustam Xolmurodov. - Lekin bu xalqning ichida aniq insonlar, ko‘rsatilgan manzillar yo‘q edi. Xalq umumiy va mavhum tushunchaga aylangandi. Lekin keyingi besh yildagi islohotlar aniq Insonga qaratilgani bilan muhim ahamiyatga ega. Tarixda birinchi marta majburiy mehnat butunlay tugatildi. Inson qadri, huquqi ta’minlandi. Hayot sifati ortdi. Insonning qalbiga quloq tutildi. Insonning farzandi uchun bilim olish imkoniyati yaratildi. Inson uchun ish o‘rni ochildi. Ehtiyojmandlarga uy-joy ajratildi. So‘z erkinligi berildi. Mamlakatda butunlay tugatilgan tizim sanoat korxonalari barpo etildi. Markaziy Osiyo bir butunligiga tamal toshi qo‘yildi. Toshkent diplomatiyasi tushunchasi paydo bo‘ldi. O’tgan besh yil tarixga tiklanish va taraqqiyot yillari bo‘lib kirishiga ishonaman.
Tadbirda so‘zga chiqqanlar, o‘tgan davrda yurtimizda amalga oshirilgan islohatlar har bir yurtdoshimizning hayotida ijobiy o‘zgarishlar yasaganligini qayd etdilar.
Ishonchli vakilining Kattaqo‘rg‘on shahridagi saylovchilari bilan muloqoti ko‘tarinki ruhda o‘tib, taassurotlarga boy bo‘ldi.
O’zLiDeP Samarqand viloyat Kengashi
matbuot xizmati
O'xshash yangiliklar
-
Istiqbolli rejalar - oliy maqsadlar ro‘yobiga xizmat qiladi
22.10.2021, 19:03
-
Fransiyalik xalqaro kuzatuvchilar bilan uchrashuv
22.10.2021, 18:59
-
Shavkat Mirziyoyev jizzaxlik saylovchilar bilan uchrashdi
21.10.2021, 16:14
-
O’zLiDeP tomonidan ommaviy axborot vositalari uchun brifing tashkil qilindi
20.10.2021, 17:03
-
Toshkentlik saylovchilar bilan ochiq muloqot bo‘ldi
19.10.2021, 16:44
Fikringizni qoldiring