Beruniy, Nukus tumanlaridagi tomorqa va klasterlar faoliyati bilan tanishildi
Mamlakatimizda oziq ovqat xavfsizligini ta’minlash, yer maydonlaridan unumli va samarali foydalanishni yo‘lga qo‘yish maqsadida issiqxonachilikni rivojlantirishga katta e’tibor qaratila boshlandi.
Ayniqsa, aholi tomorqalarida yengil konstruksiyali kichik hajmdagi issiqxonalarning keng miqyosda qurilishi, nafaqat mamlakatning eksport salohiyatini oshirishda, balki aholining qo‘shimcha daromad olishi va farovonligini ta’minlashda muhim ahamiyat kasb etadi.
Haqiqatdan ham bu sohaga berilgan e’tibor, ichki bozorni meva hamda savzabot mahsulotlari bilan barqaror ta’minlash va mamlakatning eksport salohiyatini ko‘tarishda muhim omil ekanligi qisqa muddatda o‘z isbotini topdi.
Oto-bobolarimiz tomorqa, mol, qo‘y, parranda parvarishlashni keng targ‘ib qilib, bejizga bu omillarni "Yetti xazina" sirasiga kiritmagan. Ma’lumki, tomorqa nafaqat oila a’zolarining ehtiyojlarini qondirish, balki qo‘shimcha daromad manbai hamdir.
Tomorqasidan samarali foydalanib kelayotgan oilaning dasturxoni doimo to‘kin, turmushi farovon bo‘ladi.
Oliy Majlis Qonunchilik palatasi Spiker o‘rinbosari, O'zLiDeP fraksiyasi rahbari, O’zbekiston fermer, dehqon xo‘jaliklari va tomorqa yer egalari Kengashi raisi Aktam Xaitov Nukus tumanidagi "Taqirko‘l" mahalla fuqarolar yig‘inida tomorqachilik bilan shug‘ullanadigan xonadonlarga tashrif buyurdi.
Partiya yetakchisi Aktam Xaitov mazkur mahallada istiqomat qiluvchi Jonibek Sabirbayevning tomorqasi bilan yaqindan tanishdi. Xonadon egasining ta’kidlashicha, tomorqachilik bilan shug‘ullanib kelayotganiga uncha ko‘p bo‘lmagan. Issiqxonani qurish uchun "Agrobank" tuman filialidan 15 million so‘m imtiyozli kredit olib boshlagan.
Xonadon sohibi tomorqadan har yili 50-60 million so‘m daromad olayapti. Bundan tashqari o‘z sohasi bo‘yicha Nukus shahridagi "Ishga marhamat" monomarkazida tinglovchilar uchun tomorqachilikdan saboq berib kelyapti. Tomorqachi Jonibekning rejalari hali bisyor. Faoliyatini yanada kengaytirishni niyat qilgan.
Spiker o‘rinbosari xonadon egasining tomorqasi bilan yaqindan tanishar ekan, kamchiqimsiz uy sharoitida plyonkada mahsulotlar yetishtirish, mazkur xonadonda Qoraqalpog‘iston Respublikasi fermer, dehqon xo‘jaliklari va tomorqa yer egalari Kengashi bilan birgalikda ko‘rgazmali seminarlar tashkil etish bo‘yicha qator takliflarni bildirib o‘tdi.
Spiker o‘rinbosari tashrifi davomida Beruniy tumanida joylashgan ko‘chatchilik markazi xizmati foaliyati va undagi ish o‘rinlari bilan tanishdi. Seminar davomida ko‘chat parvarishi va uni ekish, tumanlarga oliy navdagi ko‘chatlar yetkazish, yerga ishlov berish, tumanda aholining tadbirkorlik tashabbuslarini moddiy qo‘llab-quvvatlash bo‘yicha masalalar muhokama qilindi.
Partiya yetakchisi tumandagi «Orzu tomorqa xizmati» MChJ da bo‘ldi. Tomorqa xizmatidagi sharoitlar, ish jarayoni va amalga oshirilgan ishlar ko‘zdan kechirilib, tomorqa xizmati foaliyatini yanada rivojlantirish bo‘yicha bir qator takliflar berildi.
O'zLiDeP Qoraqalpog‘iston Respublikasi
Kengashi matbuot xizmati
O'xshash yangiliklar
-
Davlat dasturidan kelib chiqadigan partiya va fraksiya oldidagi vazifalar muhokama qilindi
26.02.2024, 21:34
-
Deputat maktab kutubxonasiga 100 dan ortiq badiiy asarlar va adabiyotlar tuhfa qildi
14.02.2024, 17:25
-
Muhim va ustuvor vazifalar belgilab olindi
31.01.2024, 17:53
-
“Ayollar daftari” bilan manzilli ishlashning shaffof mexanizmi yaratiladi
30.01.2024, 12:29
-
Deputat jarqo‘rg‘onlik tadbirkorlar muammosini o‘rgandi
30.01.2024, 10:11
Fikringizni qoldiring