O’zLiDePning Shahrisabz shahar Kengashi va Toshkent kimyo-texnologiya instituti Shahrisabz filiali o‘rtasida o‘zaro hamkorlik to‘g‘risida imzolangan memorandum asosida O’zLiDePning “Yangi avlod kadrlari” loyihasi taqdimoti bo‘lib o‘tdi.

Taqdimot marosimida so‘z olgan partiya vakillari hududda oliy ma’lumotli mutaxassislarga ehtiyoj yuqoriligi bois, mazkur oliy o‘quv yurti bitiruvchilaridan amaldagi va istiqbolli kadrlar zaxirasini shakllantirish lozimligi xususida aytib o‘tishdi. Shuningdek, zaxiraga olingan talabalarni bosqichma-bosqich sohaga tayyorlab borish, qayta o‘qitish va pirovardida bugungi kun rahbarlariga xos bilim va salohiyatni shakllantirishga e’tibor qaratilmoqda.

Taqdimot yakunida eng iqtidorli talabalardan bir guruhi partiyaning amaldagi va istiqbolli kadrlar zaxirasiga kiritildi.

O’zLiDeP Qashqadaryo viloyat Kengashi

matbuot xizmati