Ayni kunlarda Oliy Majlis Qonunchilik palatasi deputatlari o‘zi saylangan okruglarda bo‘lib, aholi bilan muloqot qilyapti, hududlarda o‘rganishlar olib boryapti. Xalq vakillari hududlardagi faoliyati davomida «O’zbekiston Respublikasining Konstitutsiyasiga o‘zgartish va qo‘shimchalar kiritish to‘g‘risida»gi O’zbekiston Respublikasi Konstitutsiyaviy qonuni loyihasi mazmun-mohiyatini aholiga tushuntirishga alohida e’tibor qaratmoqda.

Xususan, Oliy Majlis Qonunchilik palatasiga 100-Beshariq Okrugidan saylangan deputat Shuxrat Shorofutdinov va O’zLiDeP Farg‘ona viloyati Kengashi vakillari bilan birgalikda “O’zbekiston Respublikasi Konstitutsiyasiga o‘zgartish va qo‘shimchalar kiritish to‘g‘risida”gi O’zbekiston Respublikasining Konstitutsiyaviy qonun loyihasi targ‘ibotiga qaratilgan davra suhbati o‘tkazildi.

Tadbirda tuman Kengashi deputatlik korpusi, ijroiya hokimiyat vakilllari, mutasaddi tashkilot rahbarlari, Mahallar fuqarolar yig‘inlari raislari ishtirok etdilar.

Tadbirda mavzu yuzasidan keng muhokamalar olib borildi. Davra suhbati yakunidan takliflar yig‘ib olindi. Ishtirokchilar tomonidan yo‘llangan savollarga deputat tomonidan atroflicha javoblar berib o‘tildi.