30 aprel yurtimizda muhim siyosiy jarayon avvalida talaba-yoshlar uchun Referendum tashviqotiga bag‘ishlangan uchrashuv bo‘lib o‘tdi.

Uchrashuvda O’zLiDeP Siyosiyo Kengashi Ijroiya qo‘mitasi bo‘lim mudiri, Yoshlar parlamenti a’zosi Otabek Sobitov, Toshkent kimyo texnologiyalari instituti talaba-yoshlari ishtirok etishdi.

Tashviqot avvalida Yosh olimlar Ligasi doirasida Yangilanayotgan Konstitutsiyada Oliy ta’lim tashkilotlariga akademik erkinlik berilishi, tanlov asosida davlat hisobidan bepul oliy ma’lumot olinishi, nodavlat ta’lim tashkilotlari qo‘llab-quvvatlanishi to‘g‘risidagi qoidalar yosh avlod hayotini yaxshilash, ularning orzu-intilishlarini ro‘yobga chiqarish, zamonaviy mutaxassisliklarni egallagan holda hayotda o‘z o‘rnini topishi va shaxsiy rivojlanishi uchun imkoniyat yaratishiga oid moddalar to‘g‘risida ma’lumot berildi.

Yosh olimlarni qo‘llab-quvvatlash yo‘nalishida yurtimizda so‘ngi yillarda amalga oshirilayotgan islohotlar yoshlarga yetkazildi hamda 30 aprel – Referendumda faol ishtirok etishga chaqirildi.