Partiya Yoshlar qanoti tashabbusi bilan «O’zLiDeP yoshlar bilan» loyihasi doirasida O’zbekiston milliy universiteti talaba-yoshlar ishtirokida muloqot tashkil qilindi. Muloqotda asosiy e’tibor partiyaning g‘oyaviy maqsadlari, yoshlarni huquqiy bilimlarini yanada oshirish va ularning intellektual salohiyatining o‘sishga ko‘maklashishga qaratildi.

O’zLiDeP Siyosiy Kengashi Ijroiya qo‘mitasi bo‘lim boshlig‘i, Yoshlar parlamenti Raisi o‘rinbosari O.Sobitov tomonidan «O’zbekiston–2030» strategiyasining mazmun-mohiyati, erishiladigan natijalar, yutuqlar, mamlakatimizda so‘ngi yillarda yoshlar siyosati doirasida amalga oshirilayotgan islohotlar yuzasidan ma’lumotlar berildi.

Shuningdek, Universitet talaba yoshlari tomonidan bugungi kunda siyosiy partiyalarning o‘rni va mohiyati, Parlamentdagi islohotlar yuzasidan fikrlar tinglandi.