O‘zLiDeP rahbari fermerlarga yerlarning sho‘rlanish darajasini aniqlash bo‘yicha yapon tajribasidan foydalanishni tavsiya qilmoqda
12.09.2018, 14:53
O‘zLiDeP Siyosiy Kengashi Ijroiya qo‘mitasi raisi, O‘zbekiston fermer, dehqon xo‘jaliklari va tomorqa yer egalari kengashi raisi vazifasini bajaruvchi Aktam Xaitov Yaponiyaning Qishloq xo‘jaligi bo‘yicha xalqaro ilmiy-tadqiqot markazi (JIRCAS) tashkiloti vakili Djuniya Onishini qabul qildi. Muloqot davomida “Sho‘rlanishga qarshi choralarni tadqiqot qilish” loyiha doirasida ishlab chiqilgan “Tuproq sho‘rlanishini kamaytirishda sayoz yopiq-yotiq drenaj” texnik qo‘llanmasi muhokama qilindi. Mazkur qo‘llanma yerlarning sho‘rlanish darajasini aniqlash va kamaytirish buyicha yapon tajribasiga asoslanadi.
O‘zLiDeP raisi Aktam Xaitov JIRCAS tashkiloti vakili tomonidan taqdim etilgan mazkur qo‘llanmani barcha viloyatdagi fermer xo‘jalik rahbarlariga yetkazish, hamda ushbu qo‘llanmadagi tavsiyalarni keng joriy etish yuzasidan topshiriqlar berdi. D.Onishi bilan shu kabi loyihalarni yanada ko‘paytirish bo‘yicha fikrlashib olindi.
O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!
Fikringizni qoldiring
O'xshash yangiliklar
-
Dehqonobodlik deputatlar bilan muloqot qilindi
25.04.2024, 11:50
-
O‘zbekiston va Tojikiston o‘rtasidagi ittifoqchilik munosabatlari xalq manfaatlari yo‘lida
20.04.2024, 12:07
-
Aholiga qonunchilikdagi yangiliklar tushuntirildi
20.04.2024, 08:29
-
Deputatlar mirzacho‘llik saylovchilar bilan uchrashdi
18.04.2024, 12:00
-
Yerlardan samarali foydalanish imkoni yaratilmoqda
13.03.2024, 21:50
Bildirilgan fikrlar
Атажанов Шухрат O'zLiDePХива туман Кенгаши раисининг биринчи ўринбосари - аппарат раҳбари2018-09-12 17:34:32
Ҳозирги кунда айниқса, Хоразм вилоятида ушбу муаммо жуда ҳам долзарб муаммолардан биридир. Шунинг учун ҳам ушбу тавсияни фермерлар бир синаб кўрса фойдадан холи бўлмаслигига ишончим комил.
Қ.Эшқораева Навоий вилояти, Учқудуқ тумани2018-09-12 17:18:14
Ҳақиқатдан ҳам ерларнинг шурланиш даражасининг юқори бўлиши фермерлар фаолиятига салбий таъсир этади. Бу каби жиддий муаммонинг ижобий ечимига партиямиз раҳбарининг тавсияси қўлланилса ижобий самарага эга бўлим мумкин.
Сарвинох Холматова Қизилтепа туман бўлими ижрочи котиби2018-09-12 17:09:22
Ҳозирги замон фермер хўжаликлари раисларини катта ташвишга солаётган асосий муаммоларидан бири десам янглишмаган бўламан. ерлардаги тупроқларнинг шўрланиши, Ер ости сизот сувларининг йилдан йилга кўпайиши ерларни шўрланишига ҳосилдорликни камайишига олиб келаётгани барчамизга аён. Партиямиз раҳбарининг Япония тажрисасининг Қишлоқ хўжалиги бўйича халқаро илмий-тадқиқот маркази вакили билан учрашуви замирида қишлоқ хўжалигини ривожланишига катта ҳисса қўшишига ишонаман. Партиямиз раҳбарининг фермерларимизга япония тажрибасидан фойдаланишини тавсия этиши жаннатмакон ватанимиз ерларини шўрдан сақланишига ўз натижасини кўрсатишига шубҳам йўқ.
Б.Юлдашев Навоий вилояти2018-09-12 16:54:11
Ҳозиги кунда худудлардаги фермер хўжаликларини ташвишга солаётган асосий муаммоларидан бири ерларнинг шўрланиши, Ер ости сизот сувларининг йилдан йилга кўпайиши ерларни шўрланишига ҳосилдорликни камайишига олиб келмоқда. Албатда партиямиз раҳбарининг Япониянинг Қишлоқ хўжалиги бўйича халқаро илмий-тадқиқот маркази вакили билан учрашуви қишлоқ хўжалигини ривожланишига катта ҳисса қўшишига аминман. Партиямиз раҳбарининг фермирларимизга япония тажрибасидан фойдаланишини тавсия этиши ерларимизни шўрдан сақланишига ўз самарасини кўрсатади деган фикрдаман.
Исаева Умида O'zLiDeP Андижон вилоят Кенгаши Аёллар қаноти бўлим мудири 2018-09-12 16:45:41
O‘zLiDeP раиси Актам Хаитов томонидан ўтказилган тадбирдаги тақдим этилган мазкур қўлланмани Андижон вилоятидаги айрим туманларда масалан Улуғнор, Бўз туманларда зудлик билан ерларнинг шўрланиши бўйича тадбирлар ўтказиш керак.
Рахманова Гульнара УзЛиДеП туман Кенгаши депутатлар гурухи ижрочи котиб2018-09-12 15:52:22
Хурматли Президентимиз кишлок хужалиги сохасини ривожлантириш учун фермер дехконларимиз албатта билимдон булиши керак дея такидлаб утганди, айни хакикат замонавий типдаги кулайликларга эга услублардан фойдаланса максадга мувофик булари сузсиз. Бу тажриба олмашиш кушни давлатлар орасидаги дустликни хам мустахкамлайди
Эшниёзов Муҳаммад, O`zLiDeP Навоий вилоят кенгаши аппарат раҳбари2018-09-12 15:10:26
Ерларнинг шўрланиши фермер хўжаликлари, умуман деҳқон учун оғриқли муаммо. Партиямиз раҳбарининг ушбу муаммога илмий ёндошганлиги, айниқса ривожланган Япония тажрибасини амалга тадбиқ этишга тавсияси деҳқон учун унумли, самарали натижа беради деб ҳисоблайман.